El-Gazi

Zeyl-i Düstur

(2)

Münakehat ve Tevellüdat ve Vefiyatın Dersaadet Devair-i Beldiyesinde Suret-i
Kaydı Hakkında Kararnamedir

Birinci Madde: Dersaadet devair-i beldiyesinde birincisi münakehat ve ikincisi tevellüdat
ve üçüncüsü vefiyata mahsus olmak üzere bir muntazam sicil ittihaz olunacaktır.

İkinci Madde: Dersaadet ve Bilad-ı Selase’de bulunan ahali-i müslime beyninde eimme-i mahallat
marifetiyle cereyan-ı münakehat içün mehakim-i şer’iyeden ve cemaat-i gayr-ı müslimenin münakehatı
hakkında patrikhanelerden verilen izinnâmeler işbu kararname mucibince devair-i beldiyeden
tasdik ettirilmedikçe münakehat icra olunmayacaktır.

Üçüncü Madde: Madde-i sabıkada beyan olunan nikah izinnâmeleri hamilleri tarafından
her mahallenin mensup olduğu daire-i beldiyeye ibraz ile sicil-i mahsusuna kayd
ettirilecek ve bunun içün beş kuruş harç verilecektir. Ve işbu beş kuruşdan
iki kuruşu münakehat ve bir kuruşu da mevludat ve vefiyat içün daire-i beldiyeye
haber vermek vazifesini ifaya mukabil eimmeye ve milel-i gayr-ı müslime vukuatı içün de
hademe-i ruhaniyeye aid olup kusur iki kuruşu bu iş içün devair-i beldiyece
istihdam olunacak katib maaşına karşılık tutulacaktır.

Dördüncü Madde: Devair-i beldiyeye kayd olunan izinnâmeler belediyeye mahsus mühür ile
tasdik edilecek ve nikahlar anın üzerine icra kılınacaktır.

(Beşinci)