38

Oyma şeylere mahsus bir müzehane ve bir de sanayi-i milliye müzehanesi teşkil edilecektir.

On dördüncü madde: Resim ile oyma şeylere mahsus müzehaneye gelince asarın cem’ ve tertibi pek çok vakte muhtaç olduğundan mektebde şimdilik eski üstadların asarı olmasa bile asr-ı hazır erbab-ı sanayiinin ve bilhassa asar-ı şarkiye ile iştigal etmiş olanların eserlerini havi bir resim salonu ahdas etmek kafidir.

On beşinci madde: Sanayi-i milliye müzehanesine gelince bu müze elyevm Devlet-i Aliyye’nin elinde bulunan her nevi asar-ı atika-i milliye numuneleri mahsus bir salona vaz’ olunarak müddet-i kalile zarfında gayet şaşaalı bir suretde küşad olunacak ve asar-ı mezkûrenin bir defteri tanzim ve vakit ve zamanıyla Başvekalete takdim kılınacaktır.

İşbu üç müzehane doğrudan doğruya Sanayi-i Nefise Müdürünün nezareti altında bulunacaktır. Meclis-i Âli Ebniye-i Atika ve Milliye’nin muhafazasına dahi memur olup ebniye-i mezkûrenin iktiza eden tamiratı ve bu tamiratın suret-i icrası lazım gelenlere irae ve ihtar eyleyecektir.

Fi 10 Safer sene 99

-------------------------------------------

( Ticaret Odasının Nizamname-i Dahilisidir )

Birinci Fasıl

( Ticaret Odasının Maksad ve Suret-i İçtimaı )

Birinci madde: Dersaadet Ticaret Odası Hükümet-i Seniyye’nin Ticaret Nezareti vasıtasıyla ticarete ve tüccara müteallik istihsal edeceği malumatın menbaı ve işbu nizamname mucibince Hükümet-i Seniyye ile tüccar beyninde icra edilecek muamelatın vasıta-i mahsusasıdır.

İkinci madde: Ticaret Odası azasının adedi ve sıfat-ı lazemesi ile reis-i evvel ve saninin suret-i intihabı ve memuriyetlerinin müddet-i imtidadı odanın nizamname-i esasisinde tayin olunmuştur.

Üçüncü madde: Ticaret Odasının vezaif-i esasiyesi menafi-i ticariye ve sınaiyenin peyderpey taharri ve istihsal-i esbab-ı terakkisiyle tahsil edilen malumatın ve ticaret ve sanayiin terakki ve tevessüüne hail ve mani olan şeylerin ve bunların tekessür ve tevessüü için

( İktiza )