51

edilecek ve fakat resm-i mezkûr içün tahsildara hiç bir ücret-i tahsiliye
verilmeyecekdir

Yirmi beşinci madde defter-i mezkûr beher sene tashihat-ı muktaziye icrasıyla tecdid
olunacakdır

Yirmi altıncı madde patent resmiyle ebniye resminin mebde-i tarih-i senevisi işbu nizamnamenin
vakt-i neşrinden itibaren bir mah sonra itibar olunacakdır

Yirmi yedinci madde mezkûr nevahi rüsumatından tahsil olunacak akçe ve alınacak
cezay-ı nakdîler ile el-haletü hazihi tayin ve tahsis olunan ve ileride nevahi meclisleri
tarafından tedarik ve istihzar olunacak olan hasılatdan elde edilecek mikdar akçe
menafi-i umumiyeye ve nevahi memurları maaşatına sarf olunacakdır

Yirmi sekizinci madde nevahi memurlarının maaşatı nahiyenin derece-i ehemmiyetine
ve hasılatının mikdarına göre tasarruf kaidesine bi’r-riaye nevahi meclisleri tarafından
tahsis edilecek ve hasılatı kalilü’l-mikdar olan nahiye meclisince tensib
olunduğu halde memurlarından bazısının veyahut mecmuunun gayr-i muvazzaf olması
kararlaşdırılabilecekdir

Yirmi dokuzuncu madde bu vechle tahsil olunacak mikdar akçe ile cezay-ı
nakdîler hasılatından ve el-yevm mevcud olan ve ba‘dema nevahi meclisleri canibinden buldurulacak
olan varidatdan husule gelecek mikdar mebaliğ nizamına tevfikan nevahi ihtiyacatına
sarf olunacakdır

Otuzuncu madde nefs-i Haniye nahiyesi memurlarının maaşatına nihayet dokuz bin
beş yüz ve Resmo nahiyesinin memurîn maaşatına nihayet altı bin ve Kandiye nahiyesi
memurlarına dahi nihayet on iki bin guruş sarf olunabilecek ve nevahi-i saire
müdürlerinin maaşatı beheri iki yüz ellişer ve muavin evvellerinin yüz ellişer ve ketebenin
ikişer yüz ve mübaşirlerin yüzer ve nahiye dairesi ittihaz olunacak mahal ve bedel-i icarı
ile kırtas bedeli ellişer guruş mikdarlarını her halde tecavüz edemeyecekdir

Otuz birinci madde madde-i sabıka ahkamının tamamı icrası hususuna dikkat ve itina
etmeğe icab eden mutasarrıf ve kaymakamlar mecburdurlar

Otuz ikinci madde her bir nahiye meclisi nahiyenin hasılat-ı vakıasına ve derece-i