62

Nahiye komisyonu dahi her cemaate aid olan vergiyi ve ahaliden işbu vergi ile mükellef olanların isimlerini ilan eyleyecektir

On üçüncü madde Her cemaat mükellef olduğu vergiyi her iki ayda bir kere altı taksit üzere te’diye eder birinci taksit mayıs iptidasından bed’ eder her cemaat mükellef olduğu vergiyi zaman ve taksit-i muayyeninden mukaddem te’diye edebilir fakat her halde altıncı taksit zamanında yani kânûn-ı evvelin birinci günü vergi-i senevî te’diye olunmuş olmak muktazîdir birinci sene müstesna olarak her ayda bir taksit ahz olunacaktır

On dördüncü madde İşbu muvakkat (kadastro) tahrir-i emlakin teşkili içun maliye müdüriyetinin istihdamına mecbur olacağı me’mûrîn maaşât ve harcırahları içun masârifât-ı fevkalâde müdüriyet-i mezkûre tarafından te’diye edilecektir

On beşinci madde Muvakkat (kadastro) tahrir-i emlak hitâm bulduğunda a’şâr ve nakdiye işbu kânûn mûcibince arâzî ve emlak vergisine tahvîl olunacaktır

On altıncı madde Birinci fasıl ahkâmının mevki-i icrâya vaz’ıyla berâber vilâyetin esâsen tahrir-i emlak ve arâzîsine müteallik bulunan ikinci faslının dahi icrâsına mübâşeret olunacaktır

İkinci Fasıl

Her cemaatin hâvî olduğu arâzînin mesâhası ve cins ve kâbiliyetlerinin aksâm-ı mütenevviaya taksîmiyle vâridâtının derecâta dâirdir

On yedinci madde Vilâyetin kadastrosu cemaat kadastrosu esâsı üzerinedir

On sekizinci madde Her cemaatin kadastrosu evvelâ cemaat planını tanzîm ve sâniyen vâridâtını tayîndir

On dokuzuncu madde Her cemaatin planını tanzîm o cemaatin (1) hudûdunu tayîn (b) mesâha-i müsellesesini icrâ etmek ve (t) bi’l-cümle arâzîsini mesâha eylemek ve (s) mesâhâtın icrâsından sonra tedkîk ve teftîş eylemek muâmelâtını icrâdan ibârettir

Yirminci madde Bir cemaatin vâridâtını beyân ve tayîn (1) hâvî olduğu arâzînin cins ve kâbiliyet ve kıymet-i mahsûlâtına göre aksâm-ı mütenevviaya taksîmi ve (b) her kısım vâridâtının mücmelen takdîri muâmelâtından ibârettir

(Yirmi)