68

Elli dördüncü madde Kadastro içün te'diye olunacak mebaliğ vilâyetin sâir vâridâtı
misillü vilâyet mal sandığına i'tâ ve teslim olunur emlak ve arazinin mesâhası
içün alınacak virgü maliye müdüriyeti ma'rifetiyle tanzim olunacak bir idare-i umumiye
nizamnamesi mucibince tayin olunacaktır

Elli beşinci madde Maliye müdüriyeti me'murları vilâyet kadastrosunun icrasınca sû-i
isti'mâlât vukuuna gelmemesine nezâret edeceklerdir

Elli altıncı madde Üçüncü fasılda muharrer vilâyet kadastrosunca ta'dilât-ı vâkıa ve cümle
arazi emlak virgisinin ahzına ne vakit mübâşeret olunacağını maliye müdüriyeti tarafından
beyan olunacaktır

İrade-i seniye tarihi
Fi 20 Rebiü'l-ahir sene 98 ve fi 25 Mart sene 97

( Silah isti'mali hakkında kanun-ı vilâyetdir )

Nam-ı nâmî-i hazret-i padişahîye olarak nizamnâme-i dâhiliyenin on beşinci ve elli dördüncü
maddeleri ahkâmına tevfîkan bin sekiz yüz seksen senesi Teşrin-i sani'sinin on birinci
günü meclis-i umumi-i vilâyetden kabul olunub lede'l-arz meriyeti hakkında müteallik
buyurulan irade-i seniye mucibince Rumeli-i Şarkî Vilâyetinde işbu
kanunun neşrini i'lân eylerim

Birinci madde Milis ve jandarma polis zabitan ve efradıyla me'murîn-i silah
taşımaklığı icab etdiren me'murlardan maada hiç bir kimseye ruhsatnamesiz silah
taşıyamaz

İkinci madde On sekiz yaşını ikmal etmemiş olanlarla muhtelü'ş-şuur olan
ve sarhoşluğu i'tiyad edinenlere ve mahkûmen hukuk-ı medeniyeden mahrum ve zabıta nezareti
altında olanlara ve hükümet me'murlarına silahla karşı koymasından veyahud sirkat ile
mahkum bulunmasından dolayı altı ay hapsine hükm olunanlara silah isti'mâline dair
ruhsatname verilmez ancak bundan hükümet me'murlarına karşı koymasından veyahud sirkatle
mahkum bulunmasından dolayı altı ay hükm olunanlardan müddet-i tecrimlerinden beş sene mürûr
etmiş olanlar bu memnuiyetden müstesna tutulurlar

Üçüncü madde Nizamnâme-i dâhili beşinci numrolu zeylinin ikinci maddesi mucibince
( Silah )