90

Muallime üç günü tecavüz etmeyecek ruhsatı vermeye mezundur. Muallimleri birden ziyade olan mekteplerde bu mezuniyet muallim-i evvele intikal eder.

Onuncu Fasıl

( Kaza mekatib müfettişleri hakkındadır )

Yüz yirmi ikinci madde: Kaza mekatib müfettişlerinin adedi ber-vech-i âtîden ibarettir:
Bulgar Ortodoks mektepleri içün yirmi yedi
İslam mektepleri içün on altı
Rum mektepleri içün üç
Dâhil-i vilâyetde bulunan bi'l-cümle Bulgar Katolik ve Bulgar Protestan ve Ermeni ve Yahudi mektepleri içün ayrı ayrı birer müfettiş olacakdır. İktiza-yı halde müfettişlik adedi bir İdare-i Umumiye nizamnamesiyle tenkîh ve tezyîd olunabilir.

Yüz yirmi üçüncü madde: Kaza mekatib müfettişlerinin devâir-i teftişleri Maarif Müdüriyetinin kararnamesiyle tahdîd olunur.

Yüz yirmi dördüncü madde: Kaza mekatib müfettişleri bir sene müddetle Maarif Müdüriyetinin kararnamesiyle tayin olunur ve bunlar teftiş edecekleri mektebin aid olduğu cemaat-i mezhebiyesinin ileri gelir takımından ve hususuyla mektepler hakkında ibraz-ı meâsir-i gayret ve muzaheret etmiş olan veyahut muallimlik kabiliyetini havi şahadetnameleri bulunan veyahut hiç olmaz ise beş sene muallimlik etmiş olanlardan alınır.

Yüz yirmi beşinci madde: Kaza mekatib müfettişi hiç olmazsa senede dört defa mensub olduğu mekatib-i umumiye ve hususiyesini devr ve teftiş edecekdir.

Yüz yirmi altıncı madde: Esnâ-yı teftişinde kaza mekatib müfettişi bi'l-cümle nevâhi idare memurları ve mektep encümenleri ile münasebatda bulunup âtiü'z-zikr vezaifinin icrasında dikkat edecekdir.

( 1 ) Mekteplerin tedris cihetçe yani derûnlarında istimal olunan usûl-i tedrisiye programını ve şâkirdânın terakkiyatını ve mektebin intizam-ı dâhilîsini ve ebniyelerinin kaide-i sıhhiyeye muvafık olup olmadığını ve mektebe aid kütüphane ve eşya ve levazımat-ı sairesini teftiş edecekdir.

( b ) Mektep olmayan mahallerde ahalisini mektep te'sis ve inşası içün teşvik
( tergîb )