96

برنجی فصل
( احکام مقدمه )

برنجی ماده منافع عمومیه ایچون استملاك املاك اداره عدلیه طرفندن اجرا اولنور

ایکنجی ماده محاکمجه استملاك املاك اشبو قانوننامه نك تعيين و تصریح ایلدیکی صور اوزره منافع عمومیه یی موجب اوله جغى تبيين و تحقق اولمدقجه اجرا اولنمز

(۱) صور مذکوره بر قانونك و یا نظامنامه داخلينك يوز اللي بشنجی ماده سی موجبنجه مجلس عمومی ولايتك ويردیکی بر قرارك و یاخود بر اداره عمومیه نظامنامه سنك استملاك املاکه لزوم کوريلان محللرده اجرای عملیاته مأذونیت ويرمسندن

(۲) وقانونك تعيين ايتمیوب استملاکی ایجاب ايدن املاك سنجاق متصرفلقرينك قرار نامه سیله تصریح ايدلمسندن

(۳) استملاك اولنه جق اولان خصوصی املاكك مؤخراً سنجاق متصرفلری طرفلرندن دیگر بر قرارنامه ایله تعیین و بیان اولنمسندن عبارتدر

انجق اشبو قرار نامه نك ایکنجی فصلنده بیان اولنان اصول و قواعده مطابق بر صورتده علاقه دارلرك اعتراضاتنه لازم کلان مهل اعطا اولندقدن صکره املاك مخصوصه استملاك اولنه بيلور

اوچنجی ماده منافع عمومیه ایچون داخل ولايتده استملاك املاك اداره ملكيه جه اجرا قلنه جق تحقيقاتدن صکره بر قانون و ایکی و یاخود بر قاچ سنجاغك منافعنه تعلق ايدن استملاك املاك انجق نظامنامه داخلينك يوز اللي بشنجی ماده سی موجبنجه اجرا اولنه بيلور منافع مذکوره يه متعلق اولمیان املاك اداره عمومیه نظامنامه سی شکلنده تنظيم اولنه جق بر قرار نامه ایله استملاك ايديله بيلور اشبو ایکی صورتده دخی كرك مجلس عمومی ولايت قرارينك و كرك اداره عمومیه نظامنامه سی احكامنك اجراسندن مقدم اداره ملكيه جه تحقيقات اجرا ايديلور تحقيقات بر اداره عمومیه نظامنامه سنك تعيين ايلدیکی وجهله اجرا اولنه جقدر

ایکنجی فصل
( استملاك املاك حقنده تدابير اداره ملكيه )

دردنجی ماده اجرای عملیاته مأمور اولان مهندسلر و یاخود ارباب فنون استملاکی ایجاب ايدن ابنیه و یاخود عرصه نك منسوب اولدیغی جماعتلر نسبتنده پارچه پارچه پلانلرینی تنظيم ايده جکلردر

بشنجی ماده خصوصی املاكات تنظيم اولنه جق پلانلری هر صاحب املاكك
( اسامیسنی )

---

96

Birinci Fasıl
( Ahkâm-ı Mukaddime )

Birinci Madde Menafi-i umumiye içün istimlak-i emlak idare-i adliye tarafından icra olunur.

İkinci Madde Mehakimce istimlak-i emlak işbu kanunnamenin tayin ve tasrih eylediği suver üzere menafi-i umumiyeyi mucib olacağı tebeyyün ve tahakkuk olmadıkça icra olunmaz.

(1) Suver-i mezkure bir kanunun veya nizamname-i dahilinin yüz elli beşinci maddesi mucibince Meclis-i Umumi-i Vilayet'in verdiği bir kararın veyahut bir idare-i umumiye nizamnamesinin istimlak-i emlake lüzum görülen mahallerde icra-yı ameliyata mezuniyet vermesinden

(2) Ve kanunun tayin etmeyip istimlaki icab eden emlak Sancak Mutasarrıflıklarının karar namesiyle tasrih edilmesinden

(3) İstimlak olunacak olan hususi emlakin muahharan Sancak Mutasarrıfları taraflarından diğer bir kararname ile tayin ve beyan olunmasından ibarettir.

Ancak işbu kararnamenin ikinci faslında beyan olunan usul ve kavaide mutabık bir surette alakadarların itirazatına lazım gelen mühel ita olunduktan sonra emlak-i mahsusa istimlak olunabiliyor.

Üçüncü Madde Menafi-i umumiye içün dahil-i vilayette istimlak-i emlak idare-i mülkiyece icra kılınacak tahkikatdan sonra bir kanun ve iki veyahut bir kaç sancağın menafiine taalluk eden istimlak-i emlak ancak nizamname-i dahilinin yüz elli beşinci maddesi mucibince icra olunabiliyor. Menafi-i mezkureye müteallik olmayan emlak idare-i umumiye nizamnamesi şeklinde tanzim olunacak bir kararname ile istimlak edilebiliyor. İşbu iki surette dahi gerek Meclis-i Umumi-i Vilayet kararının ve gerek idare-i umumiye nizamnamesi ahkamının icrasından mukaddem idare-i mülkiyece tahkikat icra edilir. Tahkikat bir idare-i umumiye nizamnamesinin tayin eylediği vechile icra olunacaktır.

İkinci Fasıl
( İstimlak-i Emlak Hakkında Tedabir-i İdare-i Mülkiye )

Dördüncü Madde İcra-yı ameliyata memur olan mühendisler veyahut erbab-ı fünun istimlaki icab eden ebniye veyahut arsanın mensub olduğu cemaatler nisbetinde parça parça planlarını tanzim edeceklerdir.

Beşinci Madde Hususi emlakin tanzim olunacak planları her sahib-i emlakin
( esamisini )