138

Fî 1 ve 3 Şubât sene 1885 târîhinden soñra tahvîlâtıñ emr-i kayd ve tescîli ancak
usûl ve kavâid-i meşrûha mûcibince Meclis-i İdâre tarafından tanzîm olunmuş nizâmnâmeler
ahkâmını icrâ vukûbulacak ve kayd ve tescîl müddetinden evvel te'diyesi lâzım gelen
kuponlar mürûr-ı zamân ile hükümden sâkıt olacakdır
«Ramazan unvânlı senedâtdan bu günden i'tibâren altı sene müddet zarfında kayd edilmemiş
bulunanların kâffesi hükümden sâkıt olacakdır
va'deleri hulûlü târîhinden i'tibâren altı sene zarfında bedeli istîfâ olunmamış bulunacak
olan kuponlar kezâlik ibtâl edilecekdir
kur'ası isâbet edib de otuz sene esnâsında bedeli istîfâ olunmayan senedât mürûr-ı
zamân ile hükümden sâkıt olarak kaydları terkîn edilecekdir
kur'ası çıkan tahvîlâtıñ fâizi işlemeyecekdir
kur'ası isâbet edib bedeli te'diye olunan tahvîlât Meclis-i İdâre ma'rifetiyle ibtâl
olunacakdır
ahkâm-ı mebsûta onuncu mâddede beyân olunan tahvîlât-ı mümtâzenin kur'asından çıkan
senedâtıyla kuponları hakkında dahi cârî olacakdır
Altıncı Mâdde: Meclis-i İdâre tesviye-i düyûna müteallik bi'l-cümle nizâmnâmeleri tanzîm ve alâkadârâna
teblîğ edecek ve mezkûr nizâmnâmeler senedât hâmilleri içün mecbûri'l-icrâ
olacakdır
Yedinci Mâdde: Meclis-i İdâre üçüncü mâddede ta'yîn olunan deyni kâmilen veyâ kısmen
Hükûmet-i Seniyye ile bi'l-ittifâk tahvîl etmek hakkını hâiz olacakdır ma'amâfîh deyn-i mezkûrun
tahvîli mu'âmelâtı husûsât-ı âtiyeye ya'nî
İngiltere'de tahvîl olunacak her istiķrâz bedelinin üç sülüsüne mu'âdil bir ekseriyetin
muvâfakatine ve bu olmaz ise ecnebî ashâb-ı tahvîlâtı meclisinin tasdîkı ile mezkûr
hâmillerden sâdece bir ekseriyetin muvâfakatine
Fransa ve Almanya ve Avusturya'da Hükûmet-i Seniyye'nin fî 23 Teşrîn-i Evvel sene 1880 târîhli
teblîğâtını kabûl etmiş olan bankalar sendikalarının muvâfakatine ve 'inde'l-îcâb ashâb
tahvîlâtın meclis-i umûmî hey'etinde ictimâ' ile hâsıl olacak ekseriyetin tasdîkine
İtalya'da devlet-i müşârün-ileyhâ ticâret odalarının muvâfakatine ve 'inde'l-îcâb ashâb
(Tahvîlâtın)