149

Bankası müdürü tarafından yine olmadığı suretde İngiliz ve Felemenkli senedat hâmillerinin
Londra'da akd edecekleri (Miting) meclis-i umûmînin karâriyle intihab ve tayin olunacakdır
Fransız ashab-ı tahvilâtına vekâlet edecek bir aza
Alman ashab-ı tahvilâtına vekâlet edecek bir aza
Avusturya ashab-ı tahvilâtına vekâlet edecek bir aza
Mûmâ-ileyhim Hükûmet-i Seniyye'nin fî 23 Teşrin-i Evvel sene 1880 tarihli tebligatına
muvafakat etmiş olan Paris ve Berlin ve Viyana bankalarının sendikaları tarafından intihab
olunacak ve ledü'l-iktizâ emr-i intihabları Fransız ve Alman ve Avusturyalı ashab-ı tahvilâtın
mezkûr üç pâyitahtın her birinde akd edecekleri meclis-i umûmî cânibinden kabul ve tasvib
edilecektir
İtalyalı ashab-ı tahvilâtına vekâlet edecek bir aza
Mûmâ-ileyh İtalya ticaret odalarının sendikası hey'etinde teşekkül etmiş Roma Ticaret
Odası tarafından intihab olunacak ve ınde'l-icab intihabı İtalyalı ashab-ı tahvilâtın
Roma'da akd edecekleri bir meclis-i umûmî tarafından tasvib edilecektir
Osmanlı ashab-ı tahvilât tarafından müvekkil bir aza
Mûmâ-ileyh Osmanlı ashab-ı tahvilâtının Şehremini tarafından vuku bulacak celb
ve davet üzerine Dersaadet'de tecemmu edecek olan meclis-i umûmîsi cânibinden intihab
ve tayin olunacaktır
Melfûf mukavelenamede beyan olunan tahvilâtın hâmillerine vekâlet edecek bir aza
Mûmâ-ileyh Bank-ı Osmanî tarafından ve olmadığı takdirde tahvilât-ı mezkûre hâmillerinin
Dersaadet'de akd edecekleri meclis-i umûmînin karâriyle intihab kılınacaktır
Âzâ-yı mûmâ-ileyhim meclisde yalnız tahvilât-ı mezkûrenin tamâmen el-muhasebe kadar hazır
bulunacakdır
Meclisde münhal olacak azalığa aynı muamelâta tevfikan diğeri tayin edilecektir
İngiliz ve Felemenkli ve Fransız ve Alman ve Avusturyalı ve İtalyalı ashab-ı tahvilâtına vekâlet edecek
âzânın intihab ve tayinleri maddesi Londra ve Paris ve Berlin ve Viyana ve Roma'da mukîm
süferâ-yı Saltanat-ı Seniyye'ye ve Osmanlı âzâ ile melfûf mukavelenamede beyan olunan tahvilât