198

Vikaye-i menfaatlerine sarf-ı makderet ve adat ve nizamat-ı beldenin müsaadesi derecesinde tebaa üzerine icra-yı hükümet ederler

* Dördüncü Fasıl *

« Şehbenderhânelerin Teftişi »

Otuz sekizinci bend — İşbu nizamnamenin mevk-i icraya vaz’ı tarihinden bir sene sonra ve badehu her beş senede bir kere Nezaret-i Hariciye canibinden tayin olunacak müfettiş marifetiyle birinci ve ikinci ve üçüncü sınıf şehbenderhâneler teftiş olunacaktır. O esnada bir şehbenderin zir-i idaresinde ve vilayetin mahal-i muhtelifesinde bulunan fahri şehbenderhâneler dahi şehbender-i mumaileyh tarafından teftiş olunup netice-i istihsale mufassalan mercii olan sefaret-i seniyyeye bildirilecektir.

Otuz dokuzuncu bend — Teftiş için devre çıkan şehbender memurlarının harcırahı yedinci bendde gösterilen esas üzerine hesab olunacaktır.

* İkinci Kısım *

« Muhasebe »

* Fasl-ı Münferid *

( Şehbenderler tarafından ahz olunacak rüsum ve bunun suret-i istifası )

Kırkıncı bend — Muwazzaf veyâ fahri şehbender memurları tarafından verilecek veyâ imza edilecek evrak-ı resmiyenin kâffesine ahz olunan resm miktarını mübeyyin Hariciye Nezareti canibinden peyderpey gönderilecek pullardan yapıştırılacaktır.

Kırk birinci madde — Şehbenderler tarafından verilen veyâ imza edilen evrak-ı resmiyenin pulu yapıştırılmamış ise asla hüküm ve itibarı olmayacaktır. Bu makule pulsuz evrakdan dolayı alakadar olanlara terettüb eden zarar ve ziyandan şehbender mesul olacak ve bundan maada ehemmiyet-i maslahata göre balada beyan olunan mücazata düçar olacaktır.

Kırk ikinci bend — Pullar dört nevi renkte olup birincisi on, ikincisi yirmi, üçüncüsü yüz kuruş kıymet irae edecek ve nevi rabii sıfır işaretini muhtevi olarak meccanen veyâ bila-masarif verilen evrak-ı resmiyeye yapıştırılacaktır. Yarım pul bir pul kıymetinin nısfı mukabilinde istimal olunacaktır.

( Kırk )