201

Mahalden diğer memlekete nakl-i me’muriyetleri câiz olmayan fahrî şehbenderler imtihan edilmeyeceklerdir.

Altmış birinci bend Fahrî şehbenderler kırtasiye masârifini kendileri tesviye etmekle mecburdurlar. Yalnız memleketlerine iâde olunacak muhtâcîn-i tebeanın masârifiyle posta ve telgraf ücretleri hükûmet-i seniye nâmına olarak hâsılatdan tesviye edilir.

Altmış ikinci bend Fahrî baş şehbenderler mukîm oldukları memleketde bulunan sefâret-i seniyeye merbut olub fahrî şehbenderler dahi silsile-i merâtib kâidesine tevfîkan muvazzaf baş şehbender ve bunun fıkdânı hâlinde fahrî baş şehbender maiyetinde bulunurlar. Fahrî şehbender vekilleri muvazzaf şehbender ve bunun fıkdânı takdirinde fahrî şehbender maiyetinde bulunurlar.

Altmış üçüncü bend Fahrî şehbenderlerin me’muriyetleri lağv edilir ise bir gûne tazminat taleb etmeke hakları olamaz.

Altmış dördüncü bend Fahrî şehbenderler izhâr-ı iflâs eder ve yâ kânûnen mahkûm bulunurlar ise me’muriyetlerinde istihdamları câiz olamaz.

Altmış beşinci bend Fahrî şehbenderler sıfat-ı resmiyeyi hâiz olmak üzere me’mur ve yâ vekil nasb edemezler.

Altmış altıncı bend Bir haftadan ziyâde mahal-i me’muriyetinden gaybûbet edecek olan şehbenderler sırasıyla âmirlerine müddet-i gaybûbetlerini ihbâr edecekler ve kendilerine vekâlet eden zâtı dahi bildireceklerdir.

Vekâlet eden zât fakat bir sûret-i gayr-i resmiyede tebea-i şâhâneyi himâye edebilir.

Altmış yedinci bend Fahrî şehbenderler yirmi dokuzuncu bendde muharrer tâlimâta melfûf (4) işâretiyle markûm cedvel mûcibince me’zûn oldukları masârif ile şehbenderhâne hâsılatını mübeyyin nezâret-i hâriciyeye her üç ayda bir defter irsâl edeceklerdir.

Altmış sekizinci bend İşbu fasılda muharrer on bir bend ile tahdîd olunmayan ve vezâif-i şehbenderlere dâir olan ahkâm-ı sâirenin kâffesi fahrî şehbender hakkında dahi câri olacakdır.

Ahkâm-ı Umûmiye

Altmış dokuzuncu bend Şehbender me’murlarına el-yevm verilmekde olan maaşlar beşinci

26