4

Dahiliye

Dokuzuncu Madde: Vüs'ati birinci maddede beyan olunan mikdara mutabık veya daha vasi bulunan zokaklar haritasında istikamet hattı gösterilerek heyet-i asliyeleri üzere kalıp ve hiç bir vesile ile zokağa tecavüz edilemeyip hasbe'l-istikame bir binanın zokağa yüridilmesi lâzım gelir ise zokakdan verilecek yer ile ebniyenin gerü çekdirilmesinden zokağa alınacak mahal tamamiyle ve ya hissesinden ziyade olarak bir tarafdan alınmak lâzım geldikde diğer tarafın terk etmediği tarafın bedeli menafi-i umumiye içün istimlak kanununda muharrer usule tevfikan tahmin etdirilerek iktiza edenlerden istifa olunacakdır.

* İkinci Fasıl *

( Zokakların İstikameti )

Onuncu Madde: On ikinci maddede beyan olundığı vechle bir tarikın istikameti kararlaşub haritası tanzim olundukda ikinci maddede gösterilen istikamet levhası o tarikın baş tarafına mıhlanarak orada inşa ve tecdid olunacak ebniye haritaya tatbik olunacakdır.

On Birinci Madde: Meydan ve müteaddid yol ağzı yerler ve tarik-i âmm kabilinden olan rıhtımlar ve bir tarafına ebniye inşa olunabiliyor tarik hakkında birinci ve sekizinci ve dokuzuncu maddelerin ahkâmı cari olamayub bu yolların istikamet haritaları tanzim ve mevkiinin tahammülüne göre vüs'ati tayin olunarak ebniyeler aña göre inşa ve tecdid olunacakdır.

On İkinci Madde: Ebniyeli ve ebniyesiz yerlerde yeniden zokak küşadı ve ya mevcudunın tevsi'i ve ya-hud istikamete tatbiki lâzım geldikde idare-i belediye tarafından haritaları tanzim olunarak ashab-ı alakaya varaka-i mahsusa ile ihbar ve bu ihbarın vuku'ını musaddık mahallesinden bir kıt'a ilmühaber istihsal olunup haritaları bi'l-mütalaa diyecekleri oldığı halde ilan tarihinden on beş güne değin beyan etmeleri lâzım gelecek ve bu haritalar ile ifadat-ı vakıa idare-i belediyenin mütalaasıyla beraber Dersaadet'de Şehremaneti'ne ve taşralarda hükûmet-i mahalliyeye irsal ve iş'ar olunarak

( Şehremaneti )