Dahiliye
10

* Beşinci Fasıl *

( İrtifâ-ı Ebniye )

Otuz üçüncü madde : Zukâk üzerinde ve geride bir binâ yüziniñ her tarafınıñ irtifâı yüziniñ zemininden evsat tabana kadar arzı sekiz on arşun olan zukâklarda kârgîr yirmi dört ve ahşâb on altı ve arzı on iki ve on beş arşun olan zukâklarda kârgîr yirmi sekiz ve ahşâb on sekiz ve arzı on beşden ziyâde olan zukâklarda kârgîr otuz ve ahşâb yirmi arşun irtifâında olmaq câiz ve ahşâb sayfiyeniñ irtifâı yirmi arşuna kadar mecâz olacaq ve tam ve tahte-pûş ve mehtâbiyelerüñ zemininden irtifâı hudûd-ı mezkûredeki altı arşundan ziyâde tecâvüz etmeyecekdir.

Otuz dördüncü madde : Yokuşlu arsa üzerine inşâ olunacaq binânıñ yüksek tarafıyle alçak taraflarınıñ irtifâında bir hadd-i vasat alınaraq alçak tarafındaki zemininden îtibâren binânıñ irtifâı hadd-i kânûnîyi altı arşundan ziyâde tecâvüz etmeyecekdir.

Otuz beşinci madde : Üzerinden bir katı dahâ olmayan odasız kârgîr dükkânlarıñ irtifâı zemininden evsat tabana kadar on arşunı tecâvüz etmeyecek ve ahşâb dükkânlara gelince üzerinde oda olmadığı halde irtifâı altı ve oda bulunduğu sûretde on arşunı geçmeyecek ve bu odalaruñ kapusı mutlakâ dükkânıñ derûnında olacaqdır.

Otuz altıncı madde : Üzerinde kat ve oda olan çarşu içinde bulunan kârgîr dükkânlarıñ irtifâı otuz üçüncü madde hükmine tâbi‘ olacaqdır.

Otuz yedinci madde : Ebniye-i emîriye ve hayriye otuz üçüncü ve otuz dördüncü ve otuz beşinci maddelerüñ ahkâmından müstesnâ olacaqdır bunlara merbût emlâk ve akar haqqında eşhâs uhdesindeki emlâk ve akar misillü mevâd-ı mebhûseniñ ahkâmı cereyân eyleyecekdir.

* Altıncı Fasıl *

( Harîkıñ men‘-i vukû‘ı tedâbîri )

Otuz sekizinci madde : Ocaqlar ot taşı ve yâ tuğladan kireçli ve bacası

( Aşağıdan )