Büyük Dil Modeli Tarafından Üretilen Metin
( 21 )
İcar-ı Akar Nizamnamesi
İcar-ı Akar Nizamnamesidir — [1]
Birinci Madde
Gerek Dersaadet’de ve gerek taşralarda her kim olur ise olsun hane ve dükkân ve çiftlik gibi bir akarını icar edecek oldukta müstecir ile beynlerinde bir mukavelenâme tanzimine mecburdur.
İkinci Madde
Mukavelenâmede mûcir ile müstecirin isim ve şöhreti ve san’at ve mahall-i ikametleri ve kangı devlet teb’asından oldukları ve akarın nev’i ve mevkii ve ne içün isti’mâl olunacak ve icârenin müddeti ve bedel-i icârenin mikdarı ve müeccel ise takasit-i muayyenesi ve muaccel ise muaccel olduğu beyan olunacaktır.
Üçüncü Madde
Mûcir ile müstecir mukavelenâmeyi beynlerinde istedikleri vechle tanzim edip kanun ve nizam ve âdâb-ı umumiyeye muhalif olmayan her dürlü şeraiti mukavele edeceklerdir.
Fakat beynlerinde her ne şart ederler ise mukavelenâmeye derc etmeleri lâzım gelir.
Dördüncü Madde
Çiftlik ve bostan ve hamam ve berber dükkânı gibi akaratın derunlarında mevcud olan demirbaş âlâtı içün bir defter yapılmak lâzım geldiği gibi akarın heyet-i hâzırası hakkında dahi mûcir ile müstecir beynlerinde bir defter tanzim ve mübadele edebilirler ve her halde öyle bir defter yapıldığının mukavelenâmede zikrolunması lâzım gelir ve müddet-i icârenin inkızasında demirbaş ve gedik âlâtının defter-i mezkûrda beyan olunduğu üzere mûcire teslimi lâzım geldiği gibi akarın dahi defter-i mezkûrda tarif olunduğu heyet üzere redd ü teslimi lâzım gelir.
Fakat tabiatıyla eskimiş ise müstecir andan mes’ul olmaz.
[1] Birinci cildin 263 sahifesinde münderic 6 Şaban sene 284 tarihli kontrato ve üçüncü cildin 511 sahifesinde münderic 10 Rebiülevvel sene 291 tarihli icar akar nizamnameleriyle dördüncü cildin 376 sahifesinde münderic 23 Cemaziyelevvel sene 294 tarihli tezkire-i adliye ve birinci numaralı zeyl-i düsturun onuncu sahifesinde muharrer 22 Rebiülevvel sene 297 tarihli zeyl ahkâmı işbu nizamnâme ile mülgadır.
İcar-ı Akar Nizamnamesi
İcar-ı Akar Nizamnamesidir — [1]
Birinci Madde
Gerek Dersaadet’de ve gerek taşralarda her kim olur ise olsun hane ve dükkân ve çiftlik gibi bir akarını icar edecek oldukta müstecir ile beynlerinde bir mukavelenâme tanzimine mecburdur.
İkinci Madde
Mukavelenâmede mûcir ile müstecirin isim ve şöhreti ve san’at ve mahall-i ikametleri ve kangı devlet teb’asından oldukları ve akarın nev’i ve mevkii ve ne içün isti’mâl olunacak ve icârenin müddeti ve bedel-i icârenin mikdarı ve müeccel ise takasit-i muayyenesi ve muaccel ise muaccel olduğu beyan olunacaktır.
Üçüncü Madde
Mûcir ile müstecir mukavelenâmeyi beynlerinde istedikleri vechle tanzim edip kanun ve nizam ve âdâb-ı umumiyeye muhalif olmayan her dürlü şeraiti mukavele edeceklerdir.
Fakat beynlerinde her ne şart ederler ise mukavelenâmeye derc etmeleri lâzım gelir.
Dördüncü Madde
Çiftlik ve bostan ve hamam ve berber dükkânı gibi akaratın derunlarında mevcud olan demirbaş âlâtı içün bir defter yapılmak lâzım geldiği gibi akarın heyet-i hâzırası hakkında dahi mûcir ile müstecir beynlerinde bir defter tanzim ve mübadele edebilirler ve her halde öyle bir defter yapıldığının mukavelenâmede zikrolunması lâzım gelir ve müddet-i icârenin inkızasında demirbaş ve gedik âlâtının defter-i mezkûrda beyan olunduğu üzere mûcire teslimi lâzım geldiği gibi akarın dahi defter-i mezkûrda tarif olunduğu heyet üzere redd ü teslimi lâzım gelir.
Fakat tabiatıyla eskimiş ise müstecir andan mes’ul olmaz.
[1] Birinci cildin 263 sahifesinde münderic 6 Şaban sene 284 tarihli kontrato ve üçüncü cildin 511 sahifesinde münderic 10 Rebiülevvel sene 291 tarihli icar akar nizamnameleriyle dördüncü cildin 376 sahifesinde münderic 23 Cemaziyelevvel sene 294 tarihli tezkire-i adliye ve birinci numaralı zeyl-i düsturun onuncu sahifesinde muharrer 22 Rebiülevvel sene 297 tarihli zeyl ahkâmı işbu nizamnâme ile mülgadır.