26

Dahiliye

Yirmi yedinci madde — Kontrato pulu muamelâtı şehremanetiyle devâir-i belediyeye âid
olup işbu nizamnâme ahkâmına mugâyir vukûbulan ahvâlin ve îcâr ve isticâr
mukâvelâtının kontrato pulu yapıştırılıp yapıştırılmadığının tahkîki zımnında İstanbul’da
emânet ve devâir-i belediye ve taşralarda hükûmet ve devâir-i belediye memurları teftîşât-ı
mütemâdiye icrâ ve bu bâbda her nevi tedâbîri ittihâz eyleyecektir.

Yirmi sekizinci madde — Kontrato pulları şehremanetinin tensîb edeceği mahallerde
furûht ettirilecek ve her dâire-i belediyenin kendisine mahsûs kontrato pulu
hâsılatı âid olduğu dâireye itâ olunacaktır. Vilâyât içün lüzûm görünecek
kontrato pulları dâhiliye nezâretinden gönderilip her kazâ ve sancak dâire-i
belediyesinin vus'at ve ihtiyâcına göre tevzî olunarak mahallî hükûmetleri cânibinden
tensîb edilecek mahallerde bedelâtı devâir-i belediyeye âid olmak üzere furûht
ettirilecektir. Her vilâyete mahsûs kontrato pulları üzerinde o vilâyetin ismi
muharrer olacaktır.

Yirmi dokuzuncu madde — Şehremanetinden devâir-i belediyeye ve vilâyât merkezlerinden her
kazâ ve livâya gönderilecek kontrato pullarının sûret-i tevzî ve irsâlinde ve gerek
sarfiyât ve hesâbâtında bir gûne sû-i isti'mâl vukûuna mahal kalmayacak sûretde
muntazam defterler tutulacak ve bu bâbda emânetçe ve vilâyâtça takyîdât-ı mütemâdiye icrâ
kılınacaktır.

Otuzuncu madde — İşbu nizamnâme târîh-i i'lânından i'tibâren fî 10 Rebîülevvel
sene 291 ve fî 15 Nîsân sene 290 târîhli îcâr-ı akar nizamnâmesi makâmına
kâimdir.

Otuz birinci madde — Dâhiliye ve adliye nezâretleri işbu nizamnâmenin icrâsına
me'mûrdur.

İrâde-i seniye târîhi fî 28 Cemâziyelevvel sene 99 ve fî 5 Nîsân sene 98

( Posta )