42

٣٠٠٠ Rusûmât evrâk kalemi baş kitâbeti
٣٠٠٠ A'şâr ve ağnâm tahrîrât kalemi baş kitâbeti
٢٠٠٠ A'şâr ve ağnâm evrâk kalemi baş kitâbeti
٢٠٠٠ Telgraf ve posta evrâk kalemi baş kitâbeti
٢٠٠٠ Telgraf ve posta tahrîrât kalemi baş kitâbeti
٢٠٠٠ Orman ve maâdin tahrîrât kalemi baş kitâbeti
٢٠٠٠ Orman ve maâdin evrâk kalemi baş kitâbeti

Beşinci Fasıl
( Âmedî-i Dîvân-ı Hümâyûn Hulefâsı )

Yedinci Madde: Âmedî-i Dîvân-ı Hümâyûn hulefâsı zâten dört sınıf üzerine müretteb ve aded-i hulefânın hall-i vukû buldukça on altıya tenzîli mukarrer olduğundan bunlar içün muhasses maâşâtın humsu ba'de't-tenzîl mâ'adâsı yeniden sınıf-ı münâsibeye taksîm ile tevzî' olunmak üzere ibkâ edilmiştir.

Altıncı Fasıl
( Ketebe-i Aklâm )

Sekizinci Madde: Başvekâlet ve Meşîhat ile Nezâretlerin ve üçüncü maddenin birinci sütununda muharrer müdîr-i umûmîliklerin kalemleri ketebesi îcâbına göre iki veyâ üç sınıfa taksîm ve her sınıfda bulunacak ketebenin mikdâr-ı lüzûm-ı hakîkî derecesine göre tahdîd kılınacaktır. Her dâire aklâmı içün muhasses olan maâşâtın humsu tenzîl olunduğundan bâkîsi nezâret ve idâreler ma'rifetiyle müceddeden teşkîl olunacak sınıfa taksîm ve tahsîs olunacak ve fakat gerek Başvekâlet ve Meşîhat ve gerek Nezâretler ile müdîr-i umûmîlikler kalemlerinde sınıf-ı evvel ketebesinin maâşları bin iki yüz kuruşu tecâvüz etmeyecektir.

Yedinci Fasıl
( Şûrâ-yı Devlet )

Dokuzuncu Madde: Şûrâ-yı Devlet reîs-i sânîleriyle a'zâ ve muâvin ve mülâzimlerinin maâşlarının mikdârı cedvel-i âtîde muharrerdir.

Kuruş
٧٥٠٠ Reîs-i sânîler