43

İstimlâk kânûn-ı muvakkatine zeyl idilen fıkra-i mahsûsa — [1]

İşbu kânûnun ikinci faslında münderic muâmelât-ı evveliye icrâ olundukda sâhib-i mülk
ta‘yîn olunan kıymete râzı olmazsa kıymet-i muhammene ihtiyât^an yüzde yirmi fazlasıyla
bankaya veyâ kânûnen ta‘yîn olunan mahalle teslîm olundukdan ve ol bâbda alınan makbûz senedi
hükûmet-i icrâiyeye i‘tâ kılındıktan sonra alınması lâzım gelen mülk cânib-i hükûmetden
müşterî olan tarafa teslîm etdirilür. Şu kadar ki işbu muâmele tarafeynin zikr
olunan kânûn ile hâiz olduğu sâir hukûkuna kat‘an halel vermeyecekdir.

İrâde-i seniyye târîhi: fî 2 Safer sene 1300 ve fî 1 Kânûn-ı evvel sene 298

Tahrîr-i nüfûsun sûret-i icrâsına mahsûs ta‘lîmâtdır — [2]

Birinci mâdde: Memâlik-i Osmâniyye'de bulunan zükûr ve inâs her sınıf ahâlî kendilerini
sicill-i nüfûsa kayd etdirmekle mecbûrdur.
İkinci mâdde: Her kazâ içün müceddeden bir sicill-i nüfûs vaz‘ ve te’sîs edileceğinden
mukaddemâ Harbiye Nezâret-i Celîlesinden gönderilmiş olan matbû‘ cedveller sicill-i nüfûsun
me’haz ve müsveddesi ittihâz edilerek emr-i tahrîrin ibtidâ onlar üzerine icrâsıyla işbu
ta‘lîmât ile berâber gönderilen nümûneye tevfîkan dördüncü mâdde mûcibince sicill-i
esâsîye oradan nakl ve tebyîz olunacakdır.
Üçüncü mâdde: Tahrîr olunacak nüfûsun isim ve şöhret ve san‘at ve sıfatıyla ilel-i
zâhiresi ve sınıf-ı askerîsi ya‘nî esnân ve nizâmiye ve ihtiyât ve redîf ve müstahfız
sınıflarından hangisinde bulunduğu ve müteehhil olup olmadığı mezkûr cedvellerdeki

______________________
[1] İstimlâk kânûn-ı muvakkati dördüncü cild düstûrun 593 sahîfesinde mündericdir.
[2] Sicill-i nüfûs nizâmnâmesi iki numerolu zeyl-i düstûrun on beşinci sahîfesinde mündericdir.