Büyük Dil Modeli Tarafından Üretilen Metin
70
Dahiliye
İskat-ı cezasıyla mahkûm olanlar tekaüd maaşına nailiyet istihkakından sakıt olur. Ancak bunların vefatından sonra ailelerine işbu kararnameye tevfikan maaş tahsis olunur. Gerek memuriyette bulunsun ve gerek mazul olsun Devlet-i Aliye’nin sıfat-ı resmiyesini haiz olanlar bi-irade-i seniye mezun olmaksızın bir devlet-i ecnebiye hizmetine girer ise hizmet-i sabıkasınca tekaüd hakkı kalmaz ve mütekaid ise tekaüd maaşı kat’ edilir.
Otuzuncu Madde — Bir memur hizmet-i devlete dahil olduktan sonra her vakit yani gerek ifa-yı vazife-i memuriyet zımnında düçar olsun ve gerek vücudunda bi’t-tabi hasıl olsun fima-ba’d memuriyetine devam edebilmek iktidarını zayi edecek derecede alil olur ise zaman-ı memuriyeti müddet-i meşruta-i tekaüde baliğ olmasa bile tekaüde müstahak olup son memuriyetleri maaşının nısfıyla tekaüd edilir. Fakat keyfiyet-i maluliyetleri Dersaadet’te ise Tıbbiye Nezaretinden ve taşralarda ise mahalleri mecalis-i idaresinin taht-ı tasdikinde olmak üzere memleket tabibleri tarafından verilmiş bir şehadetname ile sabit olmak ve bu şehadetname Mekteb-i Tıbbiye’den muvafık-ı fen olduğu ba’de’t-tasdik kabul kılınmak lazımdır.
Otuz Birinci Madde — İşbu kararname mucibince tekaüd olunanlardan [1] tekrar hizmete girenlerin müddet-i istihdamlarında tekaüd maaşları kesilir. Fakat işbu ikinci hizmetten infisalleri tarihinden itibaren tekaüd maaşları kendilerine iade edilir ve bir mütekaid yeniden bir müddet hizmet ettikten sonra tekrar tekaüdünü taleb eylediği halde evvelki tekaüdüyle ikinci defa memuriyete girdiği tarih beyninde mürur eden zaman müddet-i tekaüde zam olunmaksızın sonraki hizmeti müddetinin beher senesi için evvelki tekaüd maaşına maaş-ı mezkûrun otuzda biri zam olunur. Evvelki hizmetleriyle sonraki hizmetleri kırk beş seneden ziyade ise bu ziyade seneler için bir şey verilmez.
______________________
[1] Mütekaid iken tekrar hizmete girip de hem hizmet ve hem tekaüd maaşı alanlarla eytam ve eramil’den tezevvüc edenlerden mugayir-i kanun olarak kezalik sandıktan maaş alanların fazla mehuzatının ma-faiz istirdadı Şura-yı Devlet kararıyla fi 22 Ağustos sene 297 tarihinde kaide ittihaz olunmuştur.
( Otuz )
Dahiliye
İskat-ı cezasıyla mahkûm olanlar tekaüd maaşına nailiyet istihkakından sakıt olur. Ancak bunların vefatından sonra ailelerine işbu kararnameye tevfikan maaş tahsis olunur. Gerek memuriyette bulunsun ve gerek mazul olsun Devlet-i Aliye’nin sıfat-ı resmiyesini haiz olanlar bi-irade-i seniye mezun olmaksızın bir devlet-i ecnebiye hizmetine girer ise hizmet-i sabıkasınca tekaüd hakkı kalmaz ve mütekaid ise tekaüd maaşı kat’ edilir.
Otuzuncu Madde — Bir memur hizmet-i devlete dahil olduktan sonra her vakit yani gerek ifa-yı vazife-i memuriyet zımnında düçar olsun ve gerek vücudunda bi’t-tabi hasıl olsun fima-ba’d memuriyetine devam edebilmek iktidarını zayi edecek derecede alil olur ise zaman-ı memuriyeti müddet-i meşruta-i tekaüde baliğ olmasa bile tekaüde müstahak olup son memuriyetleri maaşının nısfıyla tekaüd edilir. Fakat keyfiyet-i maluliyetleri Dersaadet’te ise Tıbbiye Nezaretinden ve taşralarda ise mahalleri mecalis-i idaresinin taht-ı tasdikinde olmak üzere memleket tabibleri tarafından verilmiş bir şehadetname ile sabit olmak ve bu şehadetname Mekteb-i Tıbbiye’den muvafık-ı fen olduğu ba’de’t-tasdik kabul kılınmak lazımdır.
Otuz Birinci Madde — İşbu kararname mucibince tekaüd olunanlardan [1] tekrar hizmete girenlerin müddet-i istihdamlarında tekaüd maaşları kesilir. Fakat işbu ikinci hizmetten infisalleri tarihinden itibaren tekaüd maaşları kendilerine iade edilir ve bir mütekaid yeniden bir müddet hizmet ettikten sonra tekrar tekaüdünü taleb eylediği halde evvelki tekaüdüyle ikinci defa memuriyete girdiği tarih beyninde mürur eden zaman müddet-i tekaüde zam olunmaksızın sonraki hizmeti müddetinin beher senesi için evvelki tekaüd maaşına maaş-ı mezkûrun otuzda biri zam olunur. Evvelki hizmetleriyle sonraki hizmetleri kırk beş seneden ziyade ise bu ziyade seneler için bir şey verilmez.
______________________
[1] Mütekaid iken tekrar hizmete girip de hem hizmet ve hem tekaüd maaşı alanlarla eytam ve eramil’den tezevvüc edenlerden mugayir-i kanun olarak kezalik sandıktan maaş alanların fazla mehuzatının ma-faiz istirdadı Şura-yı Devlet kararıyla fi 22 Ağustos sene 297 tarihinde kaide ittihaz olunmuştur.
( Otuz )