80

( Dahiliye )

Umumiye'de ba'de't-tedkîk yolunda görüldüğü halde li-ecli'l-arz makam-ı vekâlete takdim ile irade-i seniyesi şeref-sünuh ettikten sonra tekaüd sandığı muhasebesi nezdinde hıfz edilir ve gazetelerle ilan olunur.

Altmışıncı Madde
Hazineden nakl edilmiş ve işbu kararname mucibince yeniden tahsis kılınacak olan umum mütekaidin ile eytam ve eramil maaşlarının her altı ayda bir kere yoklaması icra olunup mahlulatı vukuu halinde maaşının kat'ıyla vilayetlerden tekaüd sandığı nezaretine ihbar edilecek ve işbu yoklama maddesi Dersaadet'te tekaüd sandığı nezareti ve taşralarda vülat tarafından icra olunacaktır.

Altmış Birinci Madde
Tekaüd maaşlarının haciz ve tevkifi ve tenkis ve taklili caiz olmaz. Ancak deyn-i mirisi tebeyyün eden ve nikâh ve nafaka bedelinden şer'an takdir ve tahsis edilmiş düyun-ı mümtazesi bulunan mütekaidin maaşlarından rub'unu tecavüz etmemek üzere icra-yı tevkifat olunur ve nafaka için rub'-ı maaş kifayet etmediği halde nafaka mikdarı şey tevkif edilir.

Altmış İkinci Madde
Gerek memurin ve gerek mütekaidin-i mülkiye ve kalemiye maaşlarından şehriye tevkifi mukarrer olan yüzde beş guruş yani guruşda iki parayı Dersaadet'te her dairenin umur-ı hesabiyesine memur olanlar ve taşralarda mal memurları kat' ve tevkif etmeksizin sahibine ita ettirir ve eder ise ol akçe kimin zaman-ı idaresinde verilmiş ise tekaüd sandığı idaresi ondan tazmin ettirir ve bunları tevkif edip de ilk vasıta ile göndermeyenlerden senevi yüzde on iki hesabıyla te'ahhur edecek eyyam için güzeşte dahi arar binaenaleyh her memur ve mütekaid maaşlarını aldıkları vakit yine tamı üzerine sened verip fakat tevkif olunacak yüzde beş zahr-ı senedde gösterilerek bakisi ita kılınacaktır.

* Beşinci Fasıl *

( Sandık Sermayesinin Tenmiyesi )

Altmış Üçüncü Madde
Perakende suretde şuna buna akçe ikraz olunmayıp her ne zaman ne mikdar akçe teslim olunur ise kabul ve her ne vakit ne mikdar akçe istenilir
( ise )