95

Terekeye Dâir Talîmât

olarak âid olan kadıaskere ve sülüsü beytülmâl kassâmına ve sülüs-i bâkîsinin nısfı baş kâtibe verilecek ve nısf-ı âharı maiyet ketebesi beynlerinde seviyyen taksîm kılınacaktır.

Otuz beşinci madde — Dellâliye resmi olan binde otuz kuruştan bâkî on beş kuruşun on kuruşu dellâliye ve beş kuruşu tereke kâtibine i'tâ olunacaktır.

Otuz altıncı madde — Beytülmâl dâiresince işbu talîmât ahkâmına mugâyir olan muâmelât ve usûl-i kadîme ba'demâ mer'î ve mu'teber olmayacaktır.

İrâde-i seniye târîhi fî 26 Rebîülâhir sene 1300 ve fî 22 Şubat sene 1298

***

Mahâkim-i Şer'iye Nizâmnâmesinin otuz sekizinci maddesi makâmına kâim olmak üzere ta'dîlen kaleme alınan madde-i nizâmiye [1]

Otuz sekizinci madde — İsbât-ı verâset i'lâm hücceti için hisse-i irsiyenin mikdâr u kemmiyetine nazaran kuruşda yarım para harc alınacaktır. Nasb-ı vekîl ve isbât-ı vekâlet hüccetleri münhasıran Kısmet-i Askeriye ve Teftîş Mahkemeleriyle bilcümle mahâkim-i şer'iyeden i'tâ ve bu hüccetler için bey' veyâ ferâğ olunacak mülk ve vakıf akâr ve sâirenin kıymetlerine bakılmayarak maktûan yalnız kırk kuruş istîfâ olunacaktır.

İrâde-i seniye târîhi fî 29 Cemâziyelevvel sene 99

***

[1] Mahâkim-i Şer'iye Nizâmnâmesi birinci cildin 301 sahîfesinde mündericdir.