(101)

İntihâb Encümeni Nizâmnâmesi

Amiriyenin tasarrufuna dair olup arazi memurlarının arazi-i amiriyenin rakabesi hakkında olan davalarının müddeti meskût-ün anh kalmış olduğundan Beytü'l-mâl ile vakıf beyninde rakabe-i arza dair bir dava vukuunda mütevelli-i vakfın davası otuz altı seneye kadar istima olunduğu gibi rakabe-i arza müteallik arazi memurlarının davalarının dahi otuz altı seneye kadar istima olunması ve Mecelle-i Ahkâm-ı Adliye'nin Kitâb-ı Dava'sının neşr ve ilanı tarihinden mukaddem olan deavinin müzekkere-i mütekaddimemizde beyan olunduğu vech üzere usul ve muamele-i sabıkası vechle rüyet ve tesviyesi tezekkür olunmağla ol babda
İrade-i seniyye tarihi fi 22 Muharrem sene 1300 ve fi 22 Teşrin-i Sani sene 1298

***

Adliye İntihâb Encümeni Hakkında Nizâmnâmedir

Birinci Madde: Mehâkim riyaseti yâhud azâlığı ve yâ aza mülâzımlığı ve zabıt kitâbeti ile müddei-i umumîliği memuriyetlerinden birinde bulunmamış olan zevat işbu memuriyetlere intihâb olunamazlar. Ancak nezaret aklamında bir sene istihdam olunmuş ve ibraz-ı ehliyet etmiş olan hulefanın zabıt kitabetinde istihdamı caiz olur. Mülga Divan ve Meclis-i Temyiz ve İdare Meclisleri azaları ile idare-i mülkiye memurları ba'de'l-imtihan malumatları tebeyyün ettiği halde taşralarda Bidayet Mahkemeleri riyaset-i sâniyeliği ve müddei-i umumî muavinliğine intihâb olunabilirler.

İkinci Madde: Bir Mekteb-i Hukuk'dan şahadetnameyi haiz olan zevat mehakim-i nizamiyeye altı ay mülâzemetle devam etmedikçe adliye memuriyetlerine intihâb olunamaz.

Üçüncü Madde: Balada muharrer evsafı haiz olan zevatın Encümen-i İntihâbca kabul olunabilmeleri için mensup oldukları mehakim yâhud daireleri reislerinden derece-i iktidarlarıyla müdavim ve müstakim ve hüsn-i ahlâk ashabından olduklarına dair bir kıta şehâdetnâme ahz olunacaktır.

Dördüncü Madde: Şerait-i muharrereye tevfikan adliyece istihdamı istida eden zevatın