(106)

Maliye

Fasl-ı Sâni

( Damga alınması lazım gelen evraka dairdir )

Onuncu Madde — Hisseli evrak ba-ferman-ı âli teşkil olunmuş ve olunacak her nevi şirketlerin gerek muvakkat ve gerek kat’i hisse senedatiyle tahvilatının miktar-ı itibariyesi üzerine bir defalık olarak yüzde bir hesabıyla resm-i damga alınarak damga ettirilecektir.
Dersaadet Borsasında tedavül edecek ecnebi şirket ve istikraz senedat ve tahvilatının kezalik miktar-ı itibariyesi üzerine yüzde bir hesabıyla resm-i damga alınarak damga ettirilecektir.
Ancak ba-ferman-ı âli damga resminden muaf tutulmuş olan şirketler müddet-i devamları zarfında kemâkân damga resminden muaftırlar.

On Birinci Madde — Şirket hisselerinin resmi verilmiş olan senedat-ı muvakkatesi mukabilinde çıkan senedat-ı kat’iyeye meccanen damga vaz olunacaktır.

Fasl-ı Sâni

( Resm-i maktua dairdir )

On İkinci Madde — Beyne’n-nas taati olunan ibra ve makbuz senedleri ve çekler ve ihbarnameler ve navl ve mukaveleleri ve nakliye senedatı ve emanet ve kefalet senedatı ve tüccar ve efrad beyninde akd olunan mukavelat ve mevad-ı ticariye ve hukukiyeye müteallik her nevi şirket mukavelenameleri ve arzuhaller ve kampiyo ve esham iştirasına ve füruhtuna dair bordro denilen cedveller ve nota tabir olunan pusulalar ve hesap pusulaları ve hesap cari ve gazeteler ve şahıslar tarafından yapılan ilannameler ve’l-hasıl işbu kanuna merbut tarifede gösterilen evrakın kaffesi tarife-i mezkure mucibince resm-i maktua tabi olacaktır.

On Üçüncü Madde — Makbuz senedleri için resm-i damganın ifası akçeyi ahz
( edene )