(107)

Resm-i Tamga Kanunu

...edene aid olacak ve devâir-i hükûmetle ta'ati olunan evrak içün lâzım gelen tamga resmi efrad tarafından i'ta olunacakdır. Tamgalanmış olmayarak işbu kanunda ta'dad olunan bilcümle senedat fasl-ı mahsûsunda muayyen olan cezay-ı nakdiyeye tabi' olacakdır.

Fasl-ı Râbi'

( Pullara dâirdir )

On Dördüncü Madde — Tamga pulu gerek resm-i nisbiyeye ve gerek resm-i maktû'a tabi' olan evrak içün isti'mal olunabilir.

On Beşinci Madde — Memalik-i ecnebiyede ve Memalik-i Devlet-i Aliyye eyalatından işbu kanun hükmünce resm-i tamga usûlü cari olmayan mahallerde tanzim olunan veyahud tedavüle çıkarılan her nevi' evrak ve senedat ve tahvilat işbu kanunun icra olundığı bir mahalle vürûdunda on dokuzuncu madde mucibince tamgalanması mecburi olup tamgalanmadığı halde tamgasız ve pulsuz senedat misillü muamele olunacakdır.

On Altıncı Madde — Üzerinde Rumeli-i Şarkî'nin pulu bulunan evrak sair Vilayat-ı Şahanede pul resminden muafdır. Ancak evrak-ı mezkûrenin dahil-i vilayetde tanzim edilmiş olması meşrûtdur. Üzerinde umum Vilayat-ı Şahaneye mahsus pul bulunan evrak dahi Rumeli-i Şarkî'de pul resminden muafdır.

On Yedinci Madde — Tamga pulları tarifesinde gösterildiği vechle derecat-ı mütefavitede ve eşkal-i mahsûsada olarak i'mal olunacakdır. Ve bir senedin havi oldığı meblağın cesameti iktizasınca müretteb olan pulların münferiden isti'mali uyamadığı takdirde lüzûmu kadar müteaddid pul ilavesiyle ikmal olunacakdır.

On Sekizinci Madde — Pullar senedatın hin-i temhir ve imzasında yapışdırılmak lâzım gelür. Ve bir pul iki def'a isti'mal olunmamak ve bir senedin pulu hin-i temhir ve imzasında yapışdırılmış oldığı ma'lûm olmak içün mühür veya imza ve tarihin bir kısmı pulların yazılarını külliyen bozmayacak suretde üzerine tesadüf etdirilmek lâzımdır. Ve pullar müteaddid oldığı suretde dahi kezâlik her bir pulun bir mikdar mahalline tarih ve mühür veya imza...