112

Maliye

Mikdar-ı meblağına muvafık olmayanların noksanı kıymet-i mahsusasını dolduracak aded ve nisbetde olarak alınup senedin zirine yapıştırılacak ve işbu sened şu kadar aded varaka-i sahiha ilavesiyle yazıldı deyu asıl senede şerh verilerek imza ve temhir edilecektir. Ve ilave olunan senedat damgalarının zirine dahi falan maddeye dair falan tarihli senede merbutdur ibaresi yazılub senedi temhir ve ya imza edenler tarafından ziri imza ve yahud temhir edilecekdir.

( Zeyl )

Varaka-i sahiha nizamnamesinin tesisinden mukaddem varaka-i adiyeye yazılmış olub da şimdi mahakime ibraz olunan senedat emr-i ali istihsaline hacet olmaksızın ayni varaka-i sahihaye muharrer senedat gibi mamul ve muteber tutulacakdır. Ancak o misillu senedatın havi olduğu meblağa göre işbu nizamnamece lazım gelen resm-i nisbi hamili tarafından tediye olunmak meşrutdur.

İrade-i seniye tarihi fi 19 Ramazan sene 1299 ve fi 23 Temmuz sene 1298
Neşr ve ilanı tarihi fi 6 Safer sene 1300 ve fi 5 Kanun-ı evvel sene 1298

Rusum-ı Maktu'a Tarifesi

| Para | Kuruş | Cins-i Evrak |
| :--- | :--- | :--- |
| | 10 | Mahakim ve mecalisden bir muayyen meblağı havi olmayarak ita olunan ilam ve hükm mazbataları ile idare meclislerinden Dersaadet'e ve sair mahallere hitaben ashab-ı mesalih yedlerine verilen mazbataların her nevi |
| | 03 | Kayd sureti |
| 10 | | İhbarname ve hamule senedi ve navlun mukavelesi ve nakliye senedi |
| 20 | | Beyne'n-nas taati olunan ibra makbuz senedleri |

( Posta )