142

Nafıa

Yirmi sekizinci madde: Gerek sahib-i imtiyaz ve gerek makamına kaim olacak anonim şirketi Osmanlı olacağından bittabi işbu mukavelename ile merbut şartnamenin icray-ı ahkamından ve tevil ve tefsirinden dolayı Devlet-i Aliyye ile sahib-i imtiyaz veya şirket beyninde veyahut sahib-i imtiyaz ve şirket ile efrad-ı ahali miyanesinde tahaddüs edecek her nevi ihtilafat ve daavi işin aid olduğu mehakim-i Osmaniye’de rüyet ve fasl olunacaktır.

Şartname

Birinci Fasıl

( Levayih ve inşaat ve imalat ve alet ve edevat beyanındadır )

Birinci Madde: Sahib-i imtiyaz masarif ve zarar ve ziyanı kendisine aid olmak üzere mukavelenamede muayyen olan müddetler zarfında demiryolunun inşası ve işletilmesi içün muktazi olan kaffe-i imalat ve inşaatı icra etmekliği taahhüd eder.

İkinci Madde: Mukavelenamenin .... madde mucibince sahib-i imtiyazın Nafıa Nezaretine takdim edeceği harita melfufat-ı atiyeyi muhtevi olacakdır. Şöyle ki demiryolunun güzergahını ve mevkiflerin mahallini ve ihtiraz ve tahmil ve tahliye hatlarının mevkiini mübeyyin beş binde bir mikyasında bir harita-yı umumiye.
İşbu haritaya demiryolunun hatt-ı mutavassıtından itibaren bir kıta makta-ı tulanisi ile bazı mahallerin kıta-yı arziyesi ve meyillerinin cedveli ile elzem olan imalat-ı sınaiyenin maktaları ilave olunacaktır. Zikr olunan makta-ı tulani tul itibariyle beş binde bir ve irtifa itibariyle beş yüzde bir mikyasında tanzim olunacak ve demiryolunun derece-i irtifaı dahi sath-ı deryaya nisbetle tayin kılınacaktır. İşbu maktaın altına ufka muvazi üç hat tersim olunup birinci hat üzerinde demiryolunun mebdeinden itibaren biner metro olarak mesafeler ve ikinci hat üzerinde iniş ve yokuşların tuliyle derece-i (meylanı)