158
Nâfia

Eğer mahsus trenle giden yolcu ve hayvanat ve yolcu eşyasından alınacak ücurat âdi trenler tarifelerinde gösterilen ücuratın miktarından ziyadeye bâliğ olur ise sahib-i imtiyaz âdi katarlara mahsus olan tarife mucibince istifa-yı ücret edebilir.

Yirmi İkinci Madde
Bâlâdaki tarifeler ile bundan böyle tanzim olunacak ücurat-ı nakliye tarifelerinde para kuruşun kırkta bir cüz’ü ve kuruş dahi Osmanlı lirasının yüzde bir cüz’ü itibar olunacaktır. Ancak sahib-i imtiyaz Memalik-i Mahrusa-i Şahanede tedavül eden sair meskûkâtı mîrî fiyatla ahz ve istifa etmeğe mecbur bulunacaktır.

Yirmi Üçüncü Madde
Bâlâdaki maddelerde zikr ve beyan olunmayan hububat ve emtia ve eşya ve hayvanatdan her biri tarifede münderic olan enva-yı eşya ve hayvanatın hangisine en ziyade şebih ise anın gibi ücret-i nakliye alınacaktır ve bunların tayin-i ücreti içün müşkilat veyahut şüphe vukuunda ihtilafın kat’iyyen fasl ve halli Hükümet-i Seniyye’ye aittir.

Yirmi Dördüncü Madde
Tarifeler gerek umumi ve gerek hususi olsun ve gerek nisbet kaidesine tevfikan tanzim edilsin ve gerek mümkünü’t-tağyir bulunsun mezkûr tarifelerde münderic şerait bi’l-umum yolcu ve mürseller hakkında cari olacaktır. Bundan başka tarifeler mevki-i icraya konulmazdan evvel Hükümet-i Seniyye’nin nazar-ı tasvibine arz ve takdim olunacaktır.

Yirmi Beşinci Madde
Bir veya birkaç mürselin tasdik olunan tarifedeki ücuratdan dûn ücretle emtia nakl edebilmesi içün sahib-i imtiyazın anlar ile suret-i mahsusada akd-i mukavele etmesi kat’iyyen memnudur. Ancak bu memnuiyet Hükümet-i Seniyye ile sahib-i imtiyaz beyninde verilecek karar ile fukara ve acezenin nakli içün kumpanyaca icra olunacak tenzilat hakkında cari olmayacaktır.

* Beşinci Fasıl *

( Hususat-ı mütenevvia ve muhtelifeye dairdir )

Yirmi Altıncı Madde
Devlet-i Aliyye esna-yı muharebede ve evkat-ı sairede gerek münferiden ( ve gerek )