(163)

Nâfia

On birinci madde: Şirketin taksitleri vaktile tediye edilmeyen senedat ashabı aleyhine ikame-i dava etmeğe ve hisseleri dahi satmağa salahiyeti olacakdır. Ve bu makule satılması lazım gelen hisse senedatının numaraları gazeteler marifetile neşr ve ilan olunarak tarih-i ilandan on beş gün sonra şirket hiç bir gûne ihtara ve muamelat-ı adliyeye mecbur olmamak ve zarar ve ziyanı sahibine aid olmak üzere Dersaadet ve .... mahallin borsalarında ve borsalarda henüz alınıp satılması kabul olunmamış ise müzayede tarikile hisseleri satdıracaktır.

Bu vechile füruht olunan senedat ibtal olunacak ve müşterilere eski senedlerin numaralarını havi olmak üzere yeni senedat ita kılınacaktır. Şirketin matlubu tevkif olunduktan sonra fazlası satılan hisse senedatının ashabına ita ve esman-ı mezkûre şirketin tesviye-i matlubuna kifayet etmediği takdirde noksanı kendisinden taleb ve istifa olunacaktır.

Üçüncü Fasıl

( Şirketin İdare-i Dahiliyesi Beyanındadır )

On ikinci madde: Şirketin umur ve mesalihi heyet-i umumiye tarafından mansub ve beşden on bire kadar azadan mürekkeb bir meclis-i idareye ihale olunacak ve şu kadar ki ilk üç sene müddet içün teşkil olunan meclis-i idare heyeti ... zatlardan ibaret olub tasdik-i memuriyetleri heyet-i umumiyenin tasvibine arz olunmak lazım gelmeyecektir.

On üçüncü madde: Üç sene müddet içün tayin olunan azanın müddet-i memuriyetleri hitam bulduktan sonra meclis-i idareye intihab olunacak azanın ilk teceddüdünde kur’a ile ve ondan sonra kıdem itibarile her sene bir veya ikisi çıkarılarak yerlerine aharı intihab ve tayin kılınacaktır. Şu kadar ki çıkan azanın tekrar intihabı caiz olacakdır.

On dördüncü madde: Meclis-i idarenin içtimaı icab-ı maslahata tabi olacak

( ise de )