164
Nâfi‘a

Tekâlif eder meclis-i idârenin reîsi gerek müddeî ve gerek müddeî-aleyh sıfatıyla huzûr-ı mehâkimde bizzat ve yâ bi’l-vekâle vekâlet eyler.

Yirmi birinci madde
Meclis-i idâre mevâdd-ı mahsûsa ve bir müddet-i muayyene içün hâiz olduğu iktidârını kısmen ve yâhûd tamâmen a‘zâsından bir ve yâ bir kaç zâte ve yâ vekâlet-i mahsûsa ihâle edeceği misillü mesâlih-i câriyenin rü’yet ve tesviyesi içün hâricden dahi bir ve yâ bir kaç zâte tevkîl edebilir.

Yirmi ikinci madde
Meclis-i idâre a‘zâsı ahz edecekleri hisse-i temettu‘âtdan başka meclisde hâzır bulunacakları günler içün bir ücret dahi ahz edeceklerdir. İşbu ücretin mikdârı hey’et-i umûmiye tarafından ta‘yîn kılınır.

Dördüncü Fasıl

( Hey’et-i Umûmiye beyânındadır )

Yirmi üçüncü madde
Sûret-i muntazamada akd-i ictimâ‘ eden hey’et-i umûmiye bi’l-cümle hissedârânın vekîlidir.

Yirmi dördüncü madde
Hey’et-i umûmiye her sene .... şu kadar zamân zarfında meclis-i idâre tarafından ta‘yîn olunacak mahalde sûret-i ‘âdiyede akd-i ictimâ‘ eder. Bundan başka meclis-i idâre îcâb ettikçe sûret-i fevkal‘âdede olarak hey’et-i umûmiyeyi da‘vet olunur.

Yirmi beşinci madde
Hey’et-i umûmiye vekâleten ve yâ asâleten lâ-akal ... hisseye mâlik olan bi’l-cümle hissedârândan mürekkeb olacakdır. Hey’et-i umûmiyede gerek asâleten ve gerek vekâleten hâzır bulunan hissedârânın her .... hisse içün bir re’yi olacak ve şu kadar ki .... den ziyâde re’yi olamayacakdır.

Yirmi altıncı madde
Da‘vetnâmeler yevm-i ictimâ‘dan lâ-akal bir mâh evvel ... maddede beyân eylediği vechle gazetelerle i‘lân olunacakdır.

Yirmi yedinci madde
Hey’et-i umûmiye gerek asâleten ve gerek vekâleten şirket sermâyesinin bir rub‘una müsâvî hisse senedâtına mâlik hissedârlar hâzır bulunur ise teşekkül etmiş ( ‘add olunur )