170

Girit Ceziresi Ahali-i Müslimesine Mahsus
Maarif Nizamnamesi

( Mevadd-ı Esasiye )

Birinci Madde: Girit ahali-i müslimesi etfaliçün tahsil-i ulûm ve maarifin derece-i iptidaiyesi cebri olacakdır. Mekatib tahsisatından cezire ahali-i müslimesinin her ferdine isabet eden akçenin te'diyesi dahi mecburidir.

İkinci Madde: Tahsil-i iptidaiyede kaide-i cebriyenin icrasıçün liva merkezlerinde altı ay ve kazalarda bir sene müddet tayin kılınmışdır.

Üçüncü Madde: Tahsil-i cebri müddeti etfal-i zükûr içün altı yaşından on bir yaşına ve inâs içün beş yaşından on yaşına kadar mümted olmak üzre beş seneden ibaret olacakdır. İşbu nizamnamenin tarih-i neşr ve ilanında sinleri zikr olunan esnan-ı mahdudeyi tecavüz etmiş bulunan etfal-i zükûrun dokuz ve inâsın sekiz yaşına kadar olanları mecburiyet kaidesine dahil olacaklardır.

Dördüncü Madde: Bir ârıza-i vücudiye hasebiyle tahsile kabiliyeti olmayan etfal kaide-i cebriyeden müstesna olacaklardır.

Beşinci Madde: Bir karyenin dahilinde ve bir saat mesafe kurb ve civarında mekteb bulunmadığı halde o karyede veyahut kurb ve civarında mekteb tesis ve küşad olununcaya kadar tahsil-i ibtidai kaide-i cebriye'ye tabi olmayacakdır.

Altıncı Madde: Madde-i âtiyede muayyen ve mahdud olan maarif muhassasatı maarif meclisleri ve şubeleri marifetiyle taht-ı mecburiyette olarak tahsil olunacak ve bu vesaitin istihsaline muktedir olamadığı mebaliğ hükümet-i mahalliye marifetiyle tahsil kılınacakdır.

Yedinci Madde: Maarif muhassasatı evvelâ etfalın zî-kudret ebeveyni ve velileri tarafından verilecek ücret-i tedrisiyeden saniyen mesağ-ı şer'isi dairesinde varidat-ı vakfiye
( fazlasından )