171

Maarif Nizamnamesi

fazlasından salisen vilayet varidatından devletin maarife tahsis ettiği mebaliğin İslam cemaatine aid kısmından rabian memurin maaşatı tevkifatından ve tarh olunmuş olan emlak ve akar ile temettüat vergilerinden hamisen çocuklarını bila-özr-i meşru mektebe göndermeyenlerden nizamnameye tevfikan alınacak cezay-ı nakdîlerden sadisen ashab-ı hayrın mekatib içün vakf ve teberru etmiş oldukları varidat ve fazlaların fazlasından ve bundan böyle tedarik olunabilecek varidat-ı sairenin heyet-i mecmuasından ibaret olacaktır.

Sekizinci Madde: Fasl-ı mahsusunda gösterildiği vechle maarif idare-i umumiyesi ahaliden müntehab heyetlere mufavvaz olacaktır.

Dokuzuncu Madde: Hanya ve Resmo ve Kandiye ve Laşid ve İsfakiye livalarında birer meclis-i maarif ve kazalarda birer maarif şubesi teşekkül edecektir.

Onuncu Madde: Kaza maarif şubelerinin mercii elviye meclisleri ve elviye meclislerinin mercii merkez-i vilayet maarif meclisi olacaktır. Şu kadar ki her livanın muhassesatı hasran ol livaya aid olup diğer livanın muhassesatına aslen müdahale olunmayacaktır.

On Birinci Madde: Liva meclis-i maarifleri merkez-i vilayet maarif meclisi vasıtasıyla maarif nezaretiyle muhabere edecekleri gibi doğrudan doğruya dahi muhabere edebilecektir.

On İkinci Madde: Maarif meclisleri ile şubelerinin bulunduğu mahallerde mekatib-i mevcudenin ahvaline nezaretle noksanlarının ikmali içün mercilerine malumat vermek ve kaide-i cebriyeye tabi maarif muhassesatını tahsil eylemek üzere maarif meclisi tarafından kefile merbut bir muvazzaf müdir tayin ve istihdam olunacak ve şehir mekteblerinin bundan başka bevvab ve mubsırları dahi olacaktır.

On Üçüncü Madde: Maarif umuru maarif meclisi ve şubelerinin ittifak veya ekseriyet-i arasıyla karargir olacak ve karar-ı vaki mekatib müdirleri vasıtasıyla icra olunacaktır.

On Dördüncü Madde: Mekatib müdirleri tahsil edecekleri mebaliğe mukabil maarif meclisi ve şubelerinin mühürleri ile memhur koçanlı makbuz ilmühaberleri ita eyleyeceklerdir.