(183)

Girit Vilayeti

Doksan üçüncü madde Her sene resmi imtihanları müteakib mekatib-i ibtidaiyeden maada sair mektebler bir ay tatil edeceklerdir.

Doksan dördüncü madde İşbu nizamnamece tadilata lüzum görüldüğü halde Meclis-i Umumi-i İslam azasının ekseriyet-i arasıyla icra olunabilecek ve fıkarat-ı muaddelenin mevki-i icraya vaz'ı her halde tasdik-i aliye menut bulunacaktır.

İrade-i seniyye tarihi fi 22 Rebiülevvel sene 1299

---

Girit vilayetinde bikudret medyunların bin sekiz yüz yetmiş altı sene-i miladiyesinden mukaddem mün'akid olan düyunat-ı atikaları hakkında nizamnamedir

Fasl-ı Evvel

( Bikudret medyunların kimlerden ibaret olduğuna dairdir )

Birinci madde Altmış altı sene-i miladiyesinden mukaddem gerek şuna buna ve gerek eytam sandıklarına medyun bulunan eski medyunlardan miktar-ı mecmuu itibarıyla hasılat-ı vakıalarından ve temettüat-ı sairelerinden beş sene zarfında ma-faiz borçlarını tesviye edemeyenler bikudret ad ve itibar olunur medyunların hasılat-ı vakıalarından ve verdikleri öşür ve bir de aşarın malı olup medyunlar tarafından iltizam olunmuş olan ve iltizam maddesi dahi icar kontoratosu ile ve ya delail-i saire-i nizamiye ile tahakkuk eden emlakden irad gelip muteberlerin defterlerinde mukayved bulunan hasılat mikdarı hasılat ve temettüat-ı mezkure hesabına idhal olunmayacak ve bunların zevcelerinin emval ve emlakleri hasılatı hakkında külliyen bu hasılat hakkında Memalik-i Mahruse-i Şahanede mer'i olan nizamat ahkamına tevfikan muamele olunacaktır memurin sınıfından olan medyunlar diğerinin taht-ı intizamda alınacağı sırada maaşlarının borçlarına mukabil nizamen verilmesi lazım gelen mikdarı dahil-i hesab olunacak ve medyunların hasılat-ı ( vakıalarının )