57

ve tenzîl olunacak ve ba'demâ zuhûr edecek muhtacînin devâir-i belediye ma'rifetiyle infâk ve iâşe olunmak üzere hazîneden muhtacîn maâşı tahsîsi memnû'dur

Beşinci Fasl
( Maâş-ı Zâtî )

Elli dokuzuncu madde — Mütekâidîn-i kadîme-i mülkiye ve ma'zûlîn ve çırâklık ve muhtacîn maâşlarından mâ'adâ maâş-ı zâtî nâmıyla hazîne-i celîleden muhassas maâşâtın humsu ve o makûle maâş ashâbından me'mûriyetde bulunanların maâş-ı zâtîleri kâmilen kat' olunmuşdur komisyonu ma'rifetiyle tedkîk olunarak gayr-i müstehakkına 'âid olan maâşlar îcâbına göre yâ kâmilen kat' veyâ mikdârı tenkîs olunacak ve ba'demâ maâş-ı zâtî tahsîsi memnû' olub mahlûlâtı hazîneye mânde eyleyecekdir

Altıncı Fasl
( Mütekâidîn-i Askeriye Maâşâtı )

Altmışıncı madde — Mütekâidîn-i askeriye muhassasâtının humsu tenzîl olunacak ve mahlûlâtı hazîneye kalûb ba'demâ tekâüde kesb-i istihkâk edecek ümerâ ve zâbitân ve neferâta nizâmiye-i tekâüd sandığından karşılık tedâriki ve sanduk teşkîli ile usûlüne tevfîkan tekâüd maâşları tahsîs kılınacakdır

Bâb-ı Hâmis
( Ahkâm-ı 'Umûmiye )

Altmış birinci madde — İşbu karârnâme ile maâşları tensîk olunan me'mûrlar içün el-yevm muhassas olan maâşlar mikdâr-ı mu'ayyeninden noksân ise ilerüde hadd-i mu'ayyenine iblâğ edilmek üzere şimdilik hâliyle ibkâ olunacakdır

Altmış ikinci madde — İşbu kânûn ile tensîk olunan maâşât hâricinde kalan bil-cümle maâşâtdan sikke-i mağşûşe farkı olarak bir hums tenzîl kılınacakdır

Altmış üçüncü madde — Kırk birinci maddede muharrer istisnâ'âtdan mâ'adâ bir me'mûr her ne nâm ve sûret ile olur ise olsun velev ki müte'addid me'mûriyeti bulunsun iki ve dahâ ziyâde mahalden maâş ve ta'yînât almayacakdır

Altmış dördüncü madde — Sınıf-ı askerî hâricinde olanlara hîç bir nâm ile hazîne-i devletden ta'yînât tahsîs olunmayacakdır

8