(192)
Rum İli Şarkî Vilâyeti

zam olunup istîfâsı kararlaşdırılan rüsûm-ı nevâhîyi dahi maan nizâmı dâiresinde tahsîl edeceklerdir.

Dördüncü Mâdde
Tahsîl me'mûrları rüsûm-ı mezkûreden istîfâ edecekleri mebâliğ mukâbilinde îfâ-yı zimmet edenlere yerine bilâ-ifâte-i vakit koçanlı bir makbûz senedâtı itâ etmeye mecbûrdurlar.

Beşinci Mâdde
Vilâyet ve Sancak vergilerinin esnâ-yı tahsîlâtında işbu nevâhî rüsûmunun tahsîli de müretteb uhde-i me'mûriyeti olup da bunun kâffesini ve yâ bir mikdârını tahsîlde adem-i ikdâm gösteren ve yâ kasdan tesâmuh eden me'mûrlar aynile Vilâyet ve Sancak vergisini tahsîl etmeyen me'mûrlar haklarında muayyen olan muâmele-i te'dîbiyeye müstahak olacaklardır.

Altıncı Mâdde
Tahsîl me'mûrları nevâhî rüsûmundan bir hafta zarfındaki tahsîlât vâkıalarını her pazar günleri bir makbûz senedi mukâbilinde nâhiye sandığına teslîm edeceklerdir.

Yedinci Mâdde
Nevâhî rüsûmunu îfâda imtinâ edenler hükûmet vergisini te'diyede rû-yi mümânaat gösterenler haklarında müretteb olan muâmele-i te'dîbiye vechele te'dîb olunacaklardır.

Sekizinci Mâdde
Esâsen tarh ve tahsîs olunmayan bir resmi tahsîl eden ve yâhud ta'yîn ve tahsîs olunduğu mikdârdan ziyâde istîfâ eyleyen me'mûrlar me'mûriyetlerinden azl ve tard olunmakla berâber haklarında kânûnen muayyen olan mücâzât dahi tertîb ve icrâ olunacaktır.

Dokuzuncu Mâdde
İşbu kânûn vilâyet hükmünün mevki-i icrâya vaz'ı müsteşâr-ı vilâyet ve dâhiliye mûdîriyetiyle mâliye müdîriyetine ihâle olunur.

İrâde-i Seniyye târîhi fî 4 Rebîülâhir sene 99

(Rum İli)