(201) Ziraat sandıkları muamelatına dair kanun

akçeyi ifa etmeyecek olurlar ise anlar haklarında dahi kanun mucibince icra-yı muamele olunur.

Kırkıncı madde — Ziraat sandıklarına borçları olup vakit ve zamaniyle tesviye etmeyen kesanın celbiyle tahsil-i zimmatı ve sair sandıklara dair zuhur edecek mesailin temşit ve tesviyesi hususatında kaza kaymakamları taraflarından teshilat ve muavenet-i lazıme icra kılınacaktır.

Dokuzuncu Fasıl

( Sandıklarda teraküm edecek güzeştenin mahal-i sarfı beyanındadır )

Kırk birinci madde — Ahzolunacak güzeşteler içün ayrıca bir hesap tutulur.

Kırk ikinci madde — Ziraat sandıklarının masarifat-ı vakıası yalnız güzeşteden tesviye edilir. Bunun içün her sene nihayetinde masarifat-ı vakıanın senevi alınan güzeşte miyanında tesviye ve mahsubu icra olunduktan sonra fazlası on beş sene müddet içinde sermaye add ü itibar olunmakla beraber müddet-i mezkûreden sonra her bir ehl-i zirain sandığa verdikleri akçeler ile işleyen güzeştelerinden hasıl olan sermayeleri mukabilinde kendilerine yüzde beş verilir.

Onuncu Fasıl

( Sandıkların kuyudatiyle rüyet-i hesabatı beyanındadır )

Kırk üçüncü madde — Her bir ziraat sandığında zirde muharrer olan defatir tutulacaktır.

(1) Beher yevm sandığın makbuzat ve medfuatı olan mebaliğin ecnasını mübeyyin bir yevmiye defteri.

(2) Sandıklardan ikraz ve ita olunacak mebaliğin miktariyle istikraz edenlerin...