(210)
Rûmeli-i Şarkî

Umumînin vezaifini ifa eden zat tarafından talep olunduğu takdirde kendisinin bu babdaki mütalaatı istima‘ edildikten sonra istinaf arzuhali verilmemiş olsa bile Divan-ı Deavi İdarece ilam-ı mezkûrun hükmü resmen ıskat edilebiliyor ma-mafih hükümden sakıt olan işbu ilama tarafeyn beyninde bir netice-i sulhiye hasıl olmuş nazariyle bakılıp tarafından hiç birisi istifade edememek şartıyla icra olunur.

( Ahkam-ı umumiye beyanındadır )

Yirmi altıncı madde: Hem Sancak Deavi İdare Mahkemeleri ve hem de Divan-ı Deavi İdare gerek istima‘-i davaya müteallik hususatta ve gerek idare-i dahiliyelerine aid nizam ve intizam maddesinde nizamname-i dahilinin ikiyüz doksanıncı maddesine göre muamele ve hareket edeceklerdir.

Yirmi yedinci madde: İşbu kanun vilayetin mevki-i icraya vaz‘ı Müsteşar-ı Vilayet ve Dahiliye Müdürlüğüne havale olunur.

İrade-i Seniyye tarihi: fi 4 Rebiülahir sene 99

* İdare-i Sıhhiye hakkında Rûmeli-i Şarkî’ye mahsus Kanun-ı Vilayettir *

Nam-ı nami-i Hazret-i Padişahiye olarak Nizamname-i Dahilinin onuncu ve elli dördüncü maddeleri ahkamına tevfikan bin sekiz yüz seksen senesi Teşrin-i Sani’sinin yirmi sekizinci günü Meclis-i Umumî-i Vilayetden kabul olunup ledü’l-arz meriyeti hakkında irade-i seniyye-i hazret-i padişahi müteallik ve şeref-sudur buyurulan işbu İdare-i Sıhhiye Kanunnamesinin Valisi bulunduğum Rûmeli-i Şarkî Vilayetinde mer‘iyyü’l-icra tutulmasını ilan eylerim.

( Birinci )