216
Rumeli-i Şarkî

ta‘yîn ve beyân olunacakdır. İşbu nizâmnâme lâyihası Sıhhiye Meclisi’nin tasdîk
ve ittifâkı ile etibbâ ve zâbitân-ı askeriye tarafından tanzîm kılınacakdır.

* Beşinci Fasıl *

( Devâir-i Belediye Tabibleri Hakkındadır )

Yirmi beşinci madde Devâir-i belediye tabiblerini kendüleri intihâb idüb fakat bunlaryn
ism ve şöhretlerini ve diplomalarını Sıhhiye Meclisi’ne beyân ve irsâl iderler.

Yirmi altıncı madde Belediye tabibleri devâir-i belediyenin me’mûrları olub ancak
hizmet-i tıbbiyelerinin îfâsı husûsunda Sıhhiye Meclisi’nin taht-ı nezâretindedirler.

Yirmi yedinci madde Etibbâ-yı mûmâ-ileyhim mesâil-i tıbbiyece belediye reîslerine ma‘lûmât
i‘tâsına ve şehrin sıhhat-i umûmiyesine nezâret ve vikâyesine ve tabâbet-i kânûniye vezâifinin
îfâsına ve belediye hastahânesiyle ‘imârât ve hayrât-ı sâirenin tıbben teftîş ve muâyenesine
ve fâhişelerin ikâmetgâhlarına haftada iki def‘a gidüb bakmasına ve zebh idilen
hayvânâtın hâl-i sıhhatlerini gözetmeğe me’mûr olarak fakîrü’l-hâl oldukları ma‘lûm olan
hastahânelerin meccânen tedâvîsine ve dâire-i belediye tarafından kendülerine emr ve havâle
olunan sâir bi’l-cümle vezâif-i tıbbiyenin icrâ ve îfâsına mecbûrdur.

Yirmi sekizinci madde Etibbâ-yı merkûme hapishânelerin muâyenesinde kazâ tabiblerine
muâvenet ider ve bunlar hâzır bulunmadığı takdîrde bi’l-cümle vezâif-i tıbbiyelerini îfâsı
zımnında makâmlarına kâim olurlar.

Yirmi dokuzuncu madde Devâir-i belediye tabibleri her üç ayda bir kerre bulundukları şehir
ve kasabanın sıhhat-i umûmiyesini mübeyyin ve kazâ tabiblerinin vezâif faslında zikr olunan
husûsât-ı sıhhiye-i sâireyi mutazammin Sıhhiye Meclisi’ne hitâben bir lâyiha i‘tâsına
mecbûrdurlar.

Otuzuncu madde Belediye tabibleriyle kazâ hekimleri iktizâ etdikçe bulundukları kasaba
ve kazâda mevcûd eczâhâneleri bi’l-muâyene şâyet usûl ve nizâmına mugâyir bir şey müşâhede
iderler ise anı derhâl Sıhhiye Meclisi’ne bir kıt‘a takrîr-i müşterek ile beyân iderler.

( Altıncı )