246
Rum İli Şarkî

Onuncu Madde
Beşinci madde hilafında hareket edenlerden yirmi beş kuruştan iki yüz kuruşa kadar ceza-yı nakdî ahz olunur ve hilaf-ı hareketin tekerrürü halinde ceza-yı nakdî taz’if edildikten başka mücasirleri icra-yı füruhtu salahiyetini gaip ederler.

On Birinci Madde
Üçüncü maddeden altıncı maddeye kadar hilaf-ı hareketde bulunmalarından dolayı bir felaket zuhur eylediği takdirde failleri taharri ile Ceza Kanunnamesi mucibince taht-ı ithame alınırlar ve on ikinci maddeye mugayir harekatda bulunanlardan dahi elli kuruştan iki yüz elli kuruşa kadar ceza-yı nakdî alınıp tekerrürü halinde dahi ceza-yı nakdî-i mezkûrun iki misli ahz olunmakla beraber mezuniyet hukukundan mahrum olurlar.

On İkinci Madde
Enderun-ı vilayette el-haletü hazihi mevcut bulunan balsamcılardan hasıl oldukları malum olmayan balsama ve pituraları satmamak ve neden hasıl oldukları malum olanları dahi hekimlerin tertip ve ita ettikleri ilaç miqdarı misillü verilmemek ve yalnız kilitli ve toplu miqdarı füruht edilmek şartıyla ke’l-evvel muamele-i ticariyerlerini istimal eylemek içün zabıta canibinden ruhsat tezkiresi ita olunur.

İrade-i seniye tarihi fi 21 Rebiülahir sene 1300 ve fi 17 Şubat sene 98

***

Memurîn-i Mülkiyenin Maaşat-ı Muhassasası Hakkında Rum İli Şarkîye Mahsus Kanun-u Vilayettir

Mahsus Kanun-u Vilayetdir

Nam-ı nam-ı hazret-i padişahîye olarak Nizamname-i Dahiliyenin onuncu ve elli dördüncü maddeleri mucibince memurîn-i mülkiyenin maaşat-ı muhassasasına dair bi’t-tanzim bin sekiz yüz seksen iki senesi Teşrin-i Sanisinin on beşinci günü Meclis-i Umumi-i Vilayetten kabul olunup lede’l-arz mer’iyeti hakkında irade-i seniye-i hazret-i padişahî müteallik ve şeref-sudûr buyurulan işbu kanun hükmünün valisi bulunduğum Rum İli Şarkî Vilayetinde mer’iyyü’l-icra tutulmasını ilan eylerim.

(Birinci)