(252)
Rumeli-i Şarkî

günden itibaren iki sene müddet zarfında itiraz veyahut iştika etmeğe hakları vardır. Müddet-i mezkûrenin mürurundan sonra her bir itiraz hukukundan mahrum olurlar.

On Dördüncü Madde — Bir nahiye yolu sınıfının tebdiline lüzum görüldüğü takdirde işbu tebdilat için altıncı maddede gösterilen usule göre tahkikat icra kılınır. Tahkikat-ı mezkûrenin ikmalinden ve icab eden raporlar nevahi yolları idaresine verildikten sonra eğer cihet-i tebeddül bir adi yola taalluk eder ise tebdil-i sınıf maddesine sancak komisyonundan ve eğer mevarid-i kebireye müteallik bulunur ise o halde meclis-i kebir canibinden karar verilir.

İkinci Kısım

( Nevahi yolları varidatının istihzarıyla tertibi beyanındadır )

On Beşinci Madde — Nahiyeler kendi nevahi yolları masarifatını zirde muharrer varidatla tesviye ederler.
(1) Nevahi varidatı
(2) Mecalis-i kebirenin bu babda bütçelere tayin eylediği ianat
(3) El-ziyade altı günden ibaret olan amele-i mükellefe günleri
Mecalis-i kebire aid olan ihtiyar meclisinin mütalaat-ı vakıasını ahz eyledikten sonra amele-i mükellefenin günlerini tayin eder.

On Altıncı Madde — On yedi yaşından elli yaşına kadar olan ve doğrudan doğruya vergi itasıyla mükellef bulunan bilcümle zükûr mukayyed oldukları nahiyenin mecburi-ül-ifa olan hizmetine tabidirler.

On Yedinci Madde — Her bir hane halkının reisi ile her ne gûna kâr ve kesbe müteallik ebniye ve dekâkîn ashabı veya idarecileri her ne türlü araba ve yaylı veyahut çift veyahut binek hayvanları var ise mensub oldukları nevahice muayyen olan ameliye-i mükellefe günlerinde kullanılmak için ita etmeğe mecburdurlar.

(On)