66

Taksim olunarak senevisine isabet eden ikişer altın her sene ibtidasında ve birinci sene taksiti beratın hin-i itasında peşin ahz olunur taksit hulûlünde işbu resmi te’diye etmeyen adam hakk-ı beratdan sakıt olur.

İkinci Bab

( Beratların istihsaline dair muamelât )

Birinci Fasıl

( Berat istidası )

Beşinci Madde — Berat taleb eden adam şerait-i âtiyeyi ifaya mecburdur evvela taleb edeceği berat içün yazacağı arzuhali saniyen ihtira-kerdesi olan şeyin tarifnamesini salisen tarifnamenin ahkamını izah eden resim ve ya nümuneleri rabian vermiş olduğu evrakın bir cedvelini mühürlü zarf derununda olarak Dersaadet'de Ticaret ve Ziraat Nezaretine ve taşralarda vali ve vilayete ve yahud istediği halde doğrudan doğruya Ticaret ve Ziraat Nezaretine takdim ve irsal edecek ve bu muamelatı sakin olduğu beldede icra eder ise orada bir ikametgâh ittihaz eyleyecekdir.

Altıncı Madde — İstidanameler yalnız madde-i esasiyeye ve şerh ve izahı lazım olan teferruatına münhasır olacakdır ve bunlarda hiç bir şart ve kayd-ı ihtirazi tahtında olmaksızın dördüncü madde ahkamına tevfikan istenilen beratın müddeti zikr ve tayin ve ihtira olunan şeye tarif-i mücmeli addolunabilecek bir unvan tahsis kılınacakdır istidanameler ile tarifnamelerde hakk ve silinti ve çıkıntı caiz değildir resimler ile eşkal mürekkep ile tahtit ve mikyas-ı aşariye tevfîk edilecek ve tarifnamenin bir suretiyle beraber istidaya rabt olunacak ve müstedinin takdim eylediği evrakın cümlesi kendi ve yahud vekili tarafından imza alınarak vekilin vekâletnâmesi dahi istidanameye merbut bulunacakdır.

Yedinci Madde — Berat içün alınacak resme mahsuben bir taksiti olan iki Osmanlı altını istidanın takdim olunduğu mahallin hükümete teslim kılındığını müş’ir müstedi tarafından ilmühaber ibraz olunmadıkça ihtiraa dair ita edeceği evrak ve teferruatı kabul olunmaz ve berat talebine dair teslim olunan kâffe-i evrak ve emanatın tarih-i teslimi Dersaadet'de Ticaret ve Ziraat Nezaretinin ve taşralarda valilerin taht-ı nezaretinde olan