79

۷۹

Mûceb-i husûsâtı gerek re’sen ve gerek kendisine mürâcaat vukûbuldukça Ticâret
Nezâretine tahrîren beyân ve ihtâr edecektir.
Onuncu Madde: Sanâyi Odası akîb-i teşekkülünde vazâyif-i esâsiyesinin tafsîlât
ve teferruâtını câmi‘ olmak üzere nizâmnâme-i dâhiliyesini tanzîm ve li-ecli’t-tasdîk Ticâret
Nezâretine i‘tâ edecektir.
On Birinci Madde: Her nev‘ fabrika ve destgâhlara ve muâmelât-ı sınâiyeye münâsebeti
olabilecek sâir kâffe-i husûsâta dâir Sanâyi Odası tarafından sûret-i muntazamada
bir kayd tutulacak ve îcâbı hâlinde cânib-i Nezâretten suâl olunan ma‘lûmâtın kaydı
bir varakaya ihrâc ve odaya mahsûs mühür ile temhîr olunarak Nezârete i‘tâ edilecektir.

Madde-i Mahsûsa

İşbu nizâmnâmede beyân olunan usûl dâiresinde olmak üzere Memâlik-i Osmâniye’nin müstaid
sanâyi olan başlıca şehirlerinde dahi birer Sanâyi Odası şu‘besi teşkîl olunacak
ve bunların vazâyif-i mahsûsaları Ticâret Nezâreti tarafından ta‘lîmât ile ta‘yîn kılınacaktır.
Fî 29 Receb sene [1]297

————————————

Orman ve Maâdin Mektebi Nizâmnâmesi

Birinci Fasıl

( Mektebin sûret-i teşkîliyle derslerinin taksîmâtı )

Birinci Madde: Orman ve maâdin için mühendis yetiştirilmek üzere bir mekteb küşâd
olunmuştur.
İkinci Madde: İşbu mekteb Orman ve Maâdin İdâresi’nin taht-ı nezâretinde ve bir müdürün
idâresinde bulunub müddet-i tahsîl dört sene olacak ve bu müddet i‘dâdiye ve müntehâ
sınıfları nâmıyla ikişer sene olarak iki kısma bi’t-taksîm birinci kısım orman ve maâdin
mühendisliğine müştereken muktazî ve ikinci kısım orman veyâhud maâdin fenlerine mahsûs
olan fünûn olub ber-vech-i âtî tedrîs edilecektir.

( Birinci Sene )

Kavâid-i Osmâniye ve Fransızca ve coğrafya ve hisâb ve hendese ve resim
ve mebâdî-i ilm-i hikmet ve kîmyâ