80

( İkinci Sene )

Münşeat-ı Osmaniye ve Fransızca ve tarih-i tabii ve resim ve hendese ve logaritma
ve cebir ve müsellesat ve ilm-i hikmet ve kimya

( Üçüncü Sene )

Orman Kısmı
Müsellesat ve tahtit-i arazi ve resim
İlm-i nebatat ve ilm-i ahşab
Münşeat-ı Osmaniye lisan-ı Fransavi

Maadin Kısmı
Müsellesat ve tahtit-i arazi ve resim
İlm-i tabakatü'l-arz ve kimya
Münşeat-ı Osmaniye lisan-ı Fransavi

( Dördüncü Sene )

Fen-i Orman
Amaliyat-ı orman
Harita ve amaliyat müsveddesi
Münşeat-ı Osmaniye lisan-ı Fransavi

Kimya ve İzabe-i Maadin
Amaliyat-ı maadin
Harita ve amaliyat müsveddesi
Münşeat-ı Osmaniye lisan-ı Fransavi

Üçüncü Madde: Orman nizamnamesi ve arazi kanunnamesi ve kavanin ve nizamat-ı saire muhtasaran tedris olunacaktır. Birinci kısım derslerini bi't-tahsil matlub vechle imtihan veren talebeden istidadlarına göre mekteb muallimlerinden mürekkeb meclisin tensib ve tasdiki üzerine idarenin ihtiyacı nisbetinde nezaretten verilecek karar üzerine bir mikdarı orman ve kusuru maadin kısmına taksim ve tefrik olunur.

İkinci Fasıl

( Talebenin Mektebe Duhulü )

Dördüncü Madde: Mektebe girmek arzusunda bulunan talebe Orman ve Maadin Nezareti'ne bir istidaname ita ve işbu istidaname kendisinin tebaa-i Devlet-i Aliyye'den olduğunu ve sinni on sekizden aşağı ve yirmi beşden yukarı bulunmadığını mübeyyin mahallesi imamı veyahud patrikhanesi tarafından memhur iki ilmühaber ile sahihü'l-bünye olduğunu musaddak Mekteb-i Tıbbiye'den bir şahadetname rabt edilecektir. Ve işbu nizamda mev'ud olan hizmet ve memuriyetlerde istihdamı taht-ı mecburiyetde olmamak şartiyle tebaa-i ecnebiyeden dahi istek edenlerin ücret-i münasibe mukabilinde mektebe kabulü caiz olacaktır.

Beşinci Madde: Dördüncü maddede zikr olunan istidanamenin takdiminden sonra mektebe girmek arzusunda bulunan talebenin mekatib-i rüşdiye ve emsali derecede bulunan mekteblerde tedris olunan derslerden Orman ve Maadin Mektebi muallimlerinden mürekkeb heyet huzurunda...