84

Diğer me’kûlât ve meşrûbâtı mübâyaâtının ta’yîn ve tanzîmi mahsûs bir kânûnnâme ile kararlaştırılacakdır.

İkinci Madde Küçük zâbitân ve onbaşı ve neferâtdan rütbesi hâricindeki me’mûriyetleri îfâ idenlere taayyüş ve ikâmetgâh bedeli olmak üzere ber-vech-i âtî ücret verilecekdir.

Yevmî
Kuruş
8 Süvâri ve piyâde baş çavuşu
6 Süvâri ve piyâde çavuşu
4 Onbaşı
3 Neferât

Üçüncü Madde Milîs küçük zâbitân ve neferâtına tahsîs olunan maâşât-ı şehrî
Kuruş
140 Baş çavuş
80 Çavuş
20 Onbaşı
16 Neferât

Süvâri ve topçu küçük zâbitânıyla onbaşı ve neferâtı maâşâtına zam ve ilâve olunan mebâliğ zîrde beyân olunur.
Kuruş
30 Baş çavuş
20 Çavuş
10 Onbaşı
4 Neferât

Dördüncü Madde Küçük zâbitân veyâ neferât içinde hidemât-ı fevkalâde ibrâz idenlerle umûr-ı me’mûrelerinde husn-ı hareket ve ikdâmları görülüp şâyân-ı mükâfât olanlara ve bir de nizâmnâme ahkâmınca muayyen olan müddet-i hizmetlerini îfâ ve ikmâl idip de andan sonra hizmetde kalmak isteyenlere i’tâ olunacak mükâfât içün senevî elli bin kuruşluk bir meblağ büdceye idhâl olunacakdır. Mükâfât-ı mezkûre Milîs Baş Kumandanlığının inhâsı üzerine Vâli-i Vilâyet tarafından verilecekdir.

İrâde-i Seniyye târîhi fî 19 Cemâziye’l-âhire sene 97