86

Sekizinci madde Her kaza tahsil olunan virgüden yüzde üç masarif-i tahsiliye alınacaktır.

( Bend-i Muvakkat )

Arazi virgüsüyle mükellef olanlardan virgü-i mezkûrun iki taksitde tahsilatına bed' olunur veyahud vakit-i muayeni güzer etmiş ise cedavel-i kazaların teslim ve kayd ve terkiminden altmış gün evvel istifası lazım gelir.

İrade-i Seniye Tarihi
Fi 19 Cemaziye'l-ahir sene 97

Resum-ı Mehakim Hakkında Rumeli-i Şarki Vilayetine Mahsus Kanundur

Birinci Fasıl
( Varaka-i Sahihaya Dairdir )

Birinci madde Mahkemelere ibraz ve ita olunacak istidanamelerle mahkemelerden verilecek ihzariye varakaları ve evrak-ı saire-i resmiyeden resum-ı mehakim haricinde varaka-i sahiha bedeli namıyla resm alınır.

İkinci madde Varaka-i sahiha bedeli namıyla alınacak resmin beyanı
Birincisi Kaza mahkemelerine verilecek arzuhallerle bunlardan sadır olacak ihzariye varakalarının beherinden lira yüz guruş hesabıyla beş guruş resm alınacaktır.
İkincisi Sancak mahkemeleriyle vilayet divan-ı ali mahkematına ita olunacak istidaname ve senedatın beherinden on guruş ahz ve istifa olunacaktır.

İkinci Fasıl
( Deavi-i Hukukiyeye Dairdir )

Üçüncü madde Deavi-i hukukiye ve ticariyeye dair vuku bulacak müddeiyatın tazammun eylediği mebaliğ nisbetinde ber-vech-i peşin yüzde iki resm-i mehakim alındığı misillü müddeinin mahkemeden icra varakasını talep eylediğinde dahi yüzde bir ilam harcı ahz olunur müddei aleyh tarafından müddei aleyhinde ikame edilen ve mahkemenin hükm-i katisi aleyhinde şahs-ı salis tarafından vuku bulan itiraz ve istinaf davalarında dahi resum-ı mezkûre ahz edilir.

Dördüncü madde İade-i muhakeme içün ber-istida vukuunda ber-vech-i peşin sahib...