94

İkinci Madde: Patenta resmi her altı ayın ibtidasında nısfiyet üzere peşinen te’diye olunur.

Üçüncü Madde: Esnaf resmi verdiği patenta veyahud (ruhsatiye) tezkiresini dükkanında görülecek bir mahal-i münasibe ta’lik edecektir.

Dördüncü Madde: İşbu nizamnamenin mevki’-i icraya vaz’ı Umur-ı Maliye Müdüriyetine havale olunmuştur.

İrade-i seniye tarihi fi 7 Şaban sene 97

***

Cünha ve Cinayat-ı İntihabiye Hakkında Rumeli-i Şarkî Vilayetine Mahsus Kanundur

Birinci Madde: Defatir-i intihabiyeye nam-ı diğer veyahud sahte evsaf ile ismini kayd ettiren kimse bir aydan altı aya kadar haps olunur veyahud kendisinden yüz guruşdan beş yüz guruşa kadar cezay-ı nakdî alınır.

İkinci Madde: Müntehib olmak evsafını haiz olmayıp da bu evsaf ile kendisini muttasıf göstererek re’y veren veyahud ismini iki ve ya müteaddid intihab defterlerine kayd ettirmeğe çalışan ve ettiren kimse iki aydan bir seneye kadar haps veyahud kendisinden iki yüz guruşdan bin guruşa kadar cezay-ı nakdî ahz olunur.

Üçüncü Madde: İsmini defatir-i intihabiyeye kayd ettirdikden sonra müntehiblik evsafını nizamen gaib etmiş olduğu halde evsaf-ı mezkûreden mahrum olmazdan mukaddem isminin defatir-i mezkûrede bulunmuş olmasına istinaden re’y veren kimse on beş günden üç aya kadar haps olunur ve kendisinden elli guruşdan yüz guruşa kadar cezay-ı nakdî ahz ve istifa edilir.

Dördüncü Madde: İki ve ya müteaddid defatir-i intihabiyeye ismini kayd ettiren veyahud diğer bir müntehibin yerine geldiğini beyan ederek bir re’yden ziyade re’y veren kimse iki aydan bir seneye kadar haps ve kendisinden iki yüz guruşdan bin guruşa kadar cezay-ı nakdî ahz ve istifa olunur.

Beşinci Madde: İntihabata dair re’y pusulalarını ahz ve ya ta’dade memur olan kimse mezkûr pusulalara diğer pusula ilave eder veyahud mezkûr pusulaları değiştirir veyahud bunlarda muharrer olan isimden başka bir isim kıraat eyler veyahud mezkûr pusulalardan birini mahv eder de bu hareketi müddeileri tarafından isbat olunur ise