104

...etdikde terzi anı âhire dikdiremeyüb kendisi dikmek lâzım gelir ve âhire dikdirdiği takdirde telef olsa zâmin olur.

572 Madde: Mutlak olarak mukavele olunduğu suretde ecîr kendi yerinde başkasını kullanabilir.

573 Madde: Müstecirin ecîre bu işi yap demesi ıtlakdır. Meselâ bir kimse terziye bizzat yâhud kendin dik diyü takyîd etmeksizin şu kadar guruşa bu cübbeyi dik deyip de mukavele etdikde terzi anı kalfasına yâhud diğer bir terziye dikdirirse ecr-i müsemmâya müstehak olur ve bilâ taaddî cübbe telef olsa zâmin olmaz.

574 Madde: Amelin tevâbiinden olup da ecîr üzerine şart kılınmayan her ne olur ise olsun bunda örf ve âdet-i beldeye i'tibâr olunur. İplik terzinin olmak üzere âdet olduğu gibi.

575 Madde: Yükü hâneye idhâl etmek hammâla lâzım olup ammâ mahalline koymak anın üzerine lâzım değildir. Meselâ yükü üst kata çıkarmak ve zahîreyi ambara dökmek hammalın borcu değildir.

576 Madde: Ecîre yemek vermek müstecire lâzım olmaz meğer ki örf-i belde ola.

577 Madde: Bir dellâl bir malı gezdirip de satamasa ba'dehu sâhibi sattıkda ol dellâl ücret alamaz ve diğer bir dellâl sattığı takdirde ücret-i dellâliyyeyi kâmilen ikinci dellâl alıp evvelkisi bir şey alamaz.

578 Madde: Bir kimse malını dellâla verip şu kadar guruşa sat dedikde dellâl andan ziyâdeye satsa ol ziyâde dahi mal sâhibinin olup dellâl ücret-i dellâliyyeden başka bir şey alamaz.

579 Madde: Bey'de dellâl dellâliyesini aldıkdan sonra bir müstehak çıkıp da mebî'i alsa yâhud ayb ile mebî' redd olunsa dellâliye istirdâd olunamaz.

580 Madde: Bir kimsenin tarlasındaki ekini biçmek üzere şu kadar guruşa istîcâr eylemiş olduğu orakçılar ekinin bir mikdârını biçdikleri hâlde dolu yağmakla yâhud başka bir kazâ zuhûriyle ekinin mâ'adâsı telef olsa...

ecr