105

Ecr-i müsemmâdan biçdikleri ekinin hissesine isabet eden mikdarı alabilip bâkîsini alamazlar.

581 Madde — Süt ana hasta oldukda fesh-i icare edebildiği gibi böyle hasta ya gebe olur yahud çocuk anın memesini almaz veyahud sütünü istifrağ eyler ise müsterzi dahi fesh-i icare edebilir.

( Bâb-ı Sâbi' )
( Ba'de'l-akd âcir ve müste'cirin vazife ve salâhiyetlerine )
( dâir olup üç faslı hâvîdir )

( Fasl-ı Evvel )
( Teslim-i me'cûr hakkındadır )

582 Madde — Me'cûrun teslimi müste'cire bilâ-mâni' anınla intifâ' edebilecek halde âcirin izin ve ruhsat vermesidir.

583 Madde — Müddet ya mesafe üzerine icare-i sahîha akd olundukda müddetin inkizâsına ve mesafenin hitâmına kadar me'cûrun muttasılan ve müstemirren yedinde durmak üzere müste'cire teslimi lâzımdır.
Meselâ bir kimse şu kadar müddet ile yahud falan yere gitmek üzere bir araba istîcâr etdikde ol müddet zarfında yahud oraya varıncayadek ol arabayı kullanabilir ve arada sâhibi anı alıp da kendi umûrunda isti'mâl edemez.

584 Madde — Âcir bir mülk akarını içinde kendi malı olduğu halde icâr etse fâriğan teslim etmedikçe kirâ işlemez.
Meğer ki ol malı dahi müste'cire satmış ola.

585 Madde — Âcir hâneyi teslim edip de içindeki eşyâsını koyduğu bir odayı teslim etmese ol odanın bedel-i icareden hissesi mikdarı sâkıt olur ve hânenin bâkîsinde dahi müste'cir muhayyerdir.
Ve eğer âcir kable'l-fesh hâneyi tahliye ve teslim ederse icare lâzım olur ya'ni müste'cirin hakk-ı feshi sâkıt olur.

L
14