108

Mülk ve akd olmadığı halde zaman-ı menfaat yani ecr-i misil lazım olur.
Mesela bir kimse aharın hanesinde akd-i icare etmeksizin hodbehod bir müddet sakin olsa ücret vermesi lazım gelmez.
Fakat ol hane vakfın ya bir sagîrin malı ise gerek tevil-i mülk ve akd bulunsun ve gerek bulunmasun her halde sakin olduğu müddetin ecr-i mislini vermesi lazım gelir.
Kezalik kirahane olub da tevil-i mülk ve akd olmadığı halde yine ecr-i misil lazım olur.
Ve keza bir kimse sahibinin izni olmaksızın bir kira bargirini alıp da bir müddet kullansa ecr-i mislini vermesi lazım gelir.

597 Madde — Tevil-i mülk ile istimal olunan mal muadd li’l-istiglal olsa dahi zaman-ı menfaat lazım gelmez.
Mesela bir mal-ı müştereki şeriklerinden birisi diğer şerikinin izni olmaksızın bir müddet müstakillen tasarruf ve istimal eylese mülkümdür deyu istimal eylemiş olacağı cihetle muadd li’l-istiglal olsa dahi diğer şeriki hissesinin ücretini alamaz.

598 Madde — Tevil-i akd ile istimal olunan mal muadd li’l-istiglal olsa dahi zaman-ı menfaat lazım gelmez.
Mesela bir kimse müştereken malik olduğu dükkanı şerikinin izni olmaksızın birine satmağla müşteri dahi bir müddet tasarruf edip ancak diğer şeriki bey’e icazet vermeyerek hissesini zabt eyledikde dükkan her ne kadar muadd li’l-istiglal ise de hissesinin ücretini mutalebe edemez. Zira müşteri anı tevil-i akd ile istimal etmiş yani akd-i bey’ ile mutasarrıfım deyu kullanmış olduğu cihetle zaman-ı menfaat lazım gelmez.
Kezalik bir kimse bir değirmeni mülkü olmak üzere birine bey’ ve teslim ile müşteri bir müddet zabt ve tasarruf ettikten sonra başka bir kimse ol değirmene müstehak çıkıp ba’de’l-isbat ve’l-hükm müşteriden alsa müşterinin müddet-i mezburede tasarrufu içün ücret namına bir şey alamaz. Zira bunda dahi tevil-i akd vardır.

599 Madde — Bir kimse bir sagîri velisinin izni olmaksızın istihdam eylese baliğ oldukda hizmetin ecr-i mislini alır.

Ve sagîr