132

749 Madde Murtehin rehni râhine iare edebilir. Bu surette râhin fevt olsa murtehin yine rehne râhinin sair dâinlerinden ehakk olur.

750 Madde Râhinin izni olmadıkça murtehin rehinden intifa edemez. Amma râhinin izn ve ibahesiyle murtehin rehni kullanır ve meyve ve süt gibi hasılatını alır ve bunların mukabilinde dinden bir şey sâkıt olmaz.

751 Madde Murtehin bir mahalle gider oldukda yolda emin ise rehni beraber götürebilir.

( Fasl-ı Sâlis )
( Yed-i adlde olan rehnin ahkâmı beyanındadır )

752 Madde Yed-i adl yed-i murtehin gibidir. Yani râhin ve murtehin rehni emniyet ettikleri bir kimesneye tevdi etmek üzere mukavele edip o dahi razı olarak kabz etse rehn tamam ve lâzım olur ve ol kimesne murtehin makamına kaim olur.

753 Madde Hîn-i akd-de rehni murtehin kabz etmek üzere şart edildikten sonra râhin ve murtehin bi’l-ittifak yed-i adle vaz’ etseler câiz olur.

754 Madde Deyn bâki iken adl olan kimesne râhin ve murtehinden birinin rızası olmadıkça rehni diğerine veremez ve verirse istirdada salahiyeti vardır ve kable’l-istirdad rehn telef olsa adl anın kıymetini zâmin olur.

755 Madde Adl fevt olsa terâzî-i tarafeyn ile rehn bir başka adle tevdi olunur. Ve eğer beynlerinde ittifak hasıl olamaz ise hâkim rehni bir yed-i adle vaz’ eder.

( Fasl-ı Râbi )
( Bey’-i rehn hakkındadır )

756 Madde Râhin ve murtehinden birisi diğerinin rızası olmadıkça rehni satamaz.

757 Madde Deynin vakt-i edâsı hulûl edip de râhin edâsından imtina ettikde