151

Binâenaleyh sagîr ve mecnûn ve ma’tûhun hibesi sahîh değildir .........
ammâ bunlara hibe sahîhdir.

860 Madde Hibede vâhibin rızâsı lâzımdır
binâenaleyh cebr ve ikrâh ile vâki’ olan hibe sahîh değildir.

( Bâb-ı Sânî )
( Ahkâm-ı hibe beyânında olup iki faslı şâmildir )
( Fasl-ı Evvel )
( Hibeden rücû’ hakkında dır )

861 Madde Mevhûbünleh kabz ile mevhûba mâlik olur.

862 Madde Kable’l-kabz vâhib hod-be-hod hibeden rücû’ edebilir.

863 Madde Vâhibin ba’de’l-îcâb mevhûbünlehi kabzdan nehyetmesi rücû’dur.

864 Madde Vâhib ba’de’l-kabz mevhûbünlehin rızâsıyla hibe ve hediyeden rücû’ edebilir ve mevhûbünleh râzı olmaz ise hâkime mürâcaat eyler. Hâkim dahi mevâdd-ı âtiyede beyân olunacak mevâni’-i rücû’ yoğise hibeyi feshedebilir ammâ mevâni’-i rücû’dan biri bulunsa feshedemez.

865 Madde Ba’de’l-kabz vâhib eğer mevhûbünlehin rızâsı yâhud hâkimin hükm ve kazâsı olmadan hod-be-hod mevhûbu istirdâd eder ise gâsıb olur ve bu sûretde yedinde mevhûb telef yâ zâyi’ olsa zâmin olur.

866 Madde Bir kimesne usûl ve fürûuna yâ birâder ve hemşîresine yâ bunların evlâdına yâhud peder ve mâderinin birâder ve hemşîresine bir şey hibe etdikden sonra rücû’ edemez.

867 Madde Zevc ile zevceden biri beynlerinde zevciyet kâim iken diğerine bir şey hibe ve teslîm etdikden sonra artık andan rücû’ edemez.

868 Madde Hibeye ivaz verilip de vâhibin dahi kabzetmesi mâni’-i rücû’dur binâenaleyh gerek mevhûbünleh tarafından ve gerek dîger bir kimesne cânibinden vâhibe hibesine ivaz olmak üzere bir şey verilip de o dahi kabz eylese andan sonra hibesinden rücû’ edemez.

869 Madde Mâl-ı mevhûb arz olup da mevhûbünleh anın üzerine binâ ihdâs...