175

Ba^id diyarda bulunmak gibi a^zar ile mürur etse bile ol müddet mürurunda da^vaya salahiyeti kalmaz ve eğer hi^n-i ferağda şerik-i mezk^ur izin vermek veyahut kendüye teklif olunup da almakdan istinkaf etmek ile iskat-ı hak eylemiş ise muahharan da^va edemez.

Kırk İkinci Madde
Şüreka-yı selaseden veyahut daha ziyade şeriklerden biri hissesini a^here ferağ olacak oldukda diğer şeriklerden birisi a^har üzerine tercih olunmayıp diğerleri dahi talip oldukları halde ol hisseyi bi'l-iştirak almağa hakları vardır ve şüreka-yı merkumeden biri hissesini tamamen diğer şerike ferağ olsa şerik-i a^har ol hisseden hisse-i musibesini alabilir ve madde-i sabıkada beyan olunan hükümler bunlar hakkında dahi caridir.

Kırk Üçüncü Madde
Bir kimse a^harın veyahut şerikinin arazisini mutasarrıfı tarafından ferağa vekaleti olmaksızın memuru izniyle a^here fuzulen fariğ oldukda ol arazinin mutasarrıfı ferağ-ı mezk^uru müciz olmadığı halde memuru marifetiyle fuzuli teferruğ ve zabt eden kimseden arazisini istirdad eder.

Kırk Dördüncü Madde
Üzerinde diğerinin mülk eşcar veyahut ebniyesi bulunup da ol eşcar veya ebniyeye tebaiyetle ziraat ve tasarruf olunan araziyi mutasarrıfı eşcar ve ebniyenin sahibi tapu-yı misliyle almağa talip iken gerek meccanen ve gerek bedel mukabilinde a^here fariğ olamaz. Fariğ olmuş olduğu halde on seneye kadar talep ve da^vaya salahiyeti olup ol araziyi hi^n-i talepdeki bedel-i misliyle almağa hakkı vardır ve bu hususda sığar ve cünun ve müddet-i sefer ba^id diyarda bulunmak gibi a^zar muteber değildir.

Kırk Beşinci Madde
Bir karyenin hududu dahilinde olup bi't-tapu tasarruf olunan araziyi mutasarrıfı bulunan kimse diğer karye ahalisinden bir kimseye fariğ olduğu halde ol arazinin bulunduğu karye ahalisinden bir zarureti olanların ol araziyi bedel-i misliyle bir seneye kadar talep ve da^vaya salahiyeti vardır.

Kırk Altıncı Madde
Emlakde cari olan şuf'a arazi-i emiriye ve mevkufede cari değildir ya^ni bir kimse mutasarrıf olduğu arazisini bedel-i ma^lum...